Музей у гонар ураджэнца Марыупаля дзейнічаў у савецкія часы, але пасля перабудовы і асуджэння асобы Жданава яго закрылі.
Расійскія ўлады акупаванага Марыупаля адкрылі ў горадзе музей савецкага партыйнага дзеяча Андрэя Жданава. Ён будзе дзейнічаць як філіял Музея абароны і блакады Ленінграда.
Віцэ-губернатар Санкт-Пецярбурга Барыс Піатроўскі расказаў, што музей адкрыты па асабістым даручэнні Уладзіміра Пуціна. Паводле чыноўніка, музей будзе спрыяць «захаванню гістарычнай памяці».
Андрэй Жданаў доўгі час кіраваў Ленінградскім абкамам і гаркамам кампартыі, быў членам палітбюро. Ён актыўна ўдзельнічаў у сталінскіх рэпрэсіях, падпісаў амаль дзве сотні расстрэльных спісаў. Ён таксама арганізоўваў кампаніі супраць вядомых літаратараў і дзеячаў культуры, сярод якіх былі Ганна Ахматава, Міхаіл Зошчанка і Дзмітрый Шастаковіч.
У 1948 годзе родны горад партыйнага функцыянера Марыупаль перайменавалі ў Жданаў, там таксама адкрылі музей яго памяці. Горад вярнуў сваю гістарычную назву толькі ў 1989 годзе, калі фігура Жданава падвергнулася публічнай асудзе. Неўзабаве музей быў закрыты.
Марыупаль быў разбураны і захоплены расійскай арміяй у ходзе поўнамаштабнага ўварвання ва Украіну. Пасля гэтага акупацыйныя ўлады знеслі ў горадзе помнік ахвярам Галадамору, а таксама мемарыял абаронцам Украіны. Замест яго ў горадзе ўсталявалі помнік «Аляксандру Неўскаму — абаронцу рускай зямлі».
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1818
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх18
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары