Грамадства33

Былога сенатара і дырэктара найбуйнейшага ў Беларусі вытворцы будматэрыялаў судзяць за разгалошванне службовай тайны

Апошнія гады Уладзімір Кісялёў узначальваў «Краснасельскбудматэрыялы». Пра яго адстаўку дзяржаўныя СМІ не паведамлялі. Кісялёву пагражае да трох гадоў калоніі.

Уладзімір Кісялёў. Фота: Volkovysknews.by

Уладзіміру Кісялёву 66 гадоў. Ён родам з вёскі Харкаўка Чавускага раёна Магілёўскай вобласці. Па адукацыі ён інжынер-механік.

Зорка Кісялёва ўзышла ў 1999 годзе. Тады яго паставілі дырэктарам Беларускага цэментнага заводу ў Касцюковічах. Гэта буйное прадпрыемства, якое пачалі будаваць яшчэ за савецкімі часамі, а ўвялі ў строй ужо пры Лукашэнку.

У 2008-2012 Кісялёў быў паралельна сенатарам у Савеце Рэспублікі.

Уладзімір Кісялёў. Фота: cementby.by

У 2012 яго прызначылі старшынём Касцюковіцкага райвыканкама, у 2014 — першым намеснікам старшыні Магілёўскага аблвыканкама.

Пасля Кісялёва вярнулі ў будаўнічую сферу. Лукашэнка аб'яднаў усе тры цэментныя заводы — Касцюковіцкі, Крычаўскі і Краснасельскі (пад Ваўкавыскам) — і паставіў яго кіраваць холдынгам. Кісялёў займаў пасаду ў 2014-2019.

Цэментная галіна перажывала розныя часы — былі і карупцыйныя крымінальныя справы, і фінансавыя страты, і часовыя поспехі. Агулам жа можна канстатаваць, што буйны праект так і не стаў лакаматывам эканомікі.

У чэрвені 2022 года адбыўся трэці ўваход Кісялёва ў цэментны бізнэс. Яго прызначылі на пасаду дырэктара «Краснасельскбудматэрыялаў», найбуйнейшага вытворцы будаўнічых матэрыялаў у Беларусі.

Яшчэ летам 2024 ён быў пазначаны на сайце прадпрыемства як генеральны дырэктар і раздаваў каментары. Неўзабаве ён знік. Па звыклай практыцы дзяржаўныя СМІ нічога не паведамлялі пра затрыманне Кісялёва, яго імя проста цішком сцёрлі з сайта «Краснасельскбудматэрыялаў».

Як высветлілася, на дырэктара завялі крымінальную справу. Закрыты суд над Уладзімірам Кісялёвым пачнецца 24 лютага 2025 года ў Гродзенскім абласным судзе. Яго абвінавачваюць па адносна лёгкім артыкуле — «наўмыснае разгалошванне службовай тайны» (ч. 1 арт. 375 КК). Што за тайна і каму яе раскрыў Кісялёў — невядома. Яму можа пагражаць ад штрафа да трох гадоў пазбаўлення волі.

Адметна, што паўгода назад у Мінску збіраліся судзіць дырэктара філіяла аднаго з іншых цэментных заводаў. Па меркаванні сілавікоў, у 2021-2023 ён набраў хабараў і нанёс прадпрыемству шкоды больш чым на 200 тысяч рублёў. Таму дырэктару пагражала ад 5 да 20 гадоў зняволення. 

Уладзімір Кісялёў па цэнтры. Фота: btnb.by

«Наша Нiва» — бастыён беларушчыны

ПАДТРЫМАЦЬ

Каментары3

  • Напалеон ібун Хатабыч Шклоўскі
    19.02.2025
    Агласіця ўвесь сьпісак...
  • AD
    20.02.2025
    Ну прикольно, легкая статья. В страительстве крутятся ограмадные деньги, а тут всего лишь разглашения.
  • даведка
    20.02.2025
    На днях на госТВ была озвучена проблема с сжиганием мусора на данном заводе.

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць