Пільная работніца банка ў Маладзечне зберагла грошы наведніка ад пераводу махлярам
Жыхару Вілейкі ў сацыяльнай сетцы напісала дзяўчына, якая выказала жаданне паразмаўляць. З новай знаёмай мужчына перапісваўся каля двух тыдняў і за гэты час даведаўся, што яна нядаўна аўдавела, паведамляе абласная міліцыя.
Як распавяла дзяўчына, яе муж быў заможным маладым чалавекам, апошняй воляй якога было перадаць усе свае зберажэнні тым, хто ў гэтым мае патрэбу.
Таямнічая незнаёмка вырашыла, што адным з тых, хто атрымае грошы, з'яўляецца яе суразмоўца з Вілейкі, таму яна хацела б яму матэрыяльна дапамагчы.
Аднак, каб атрымаць грошы, мужчыну неабходна аплаціць пошліну 3 300 рублёў. Гараджанін ахвотна пагадзіўся: узяў свае грошы і адправіўся ў Маладзечна, каб зрабіць перавод.
Пры спробе аплаціць «пошліну» супрацоўніца банка звярнула ўвагу на падазроны замежны рахунак і выклікала супрацоўнікаў міліцыі. Уважлівасць і вопыт дзяўчыну не падвялі — жыхар Вілейкі не паспеў стаць новай ахвярай махляроў.
Цяпер чытаюць
Лёс сына прапагандыста са «Спутніка», які прыйшоў да беларушчыны падлеткам, выклікаў буру эмоцый у яго сяброў1
Лёс сына прапагандыста са «Спутніка», які прыйшоў да беларушчыны падлеткам, выклікаў буру эмоцый у яго сяброў
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары