Фрыдрых Мерц заявіў, што канфлікт Зяленскага і Трампа быў загадзя спланаваны амерыканскай адміністрацыяй
Кіраўнік Хрысціянска-дэмакратычнага саюза і будучы федэральны канцлер Германіі Фрыдрых Мерц заявіў, што канфлікт паміж Уладзімірам Зяленскім і Дональдам Трампам падчас сустрэчы ў Белым доме мог быць наўмысна справакаваны з боку ЗША, піша Bild.
«На маю думку, на гэтай сустрэчы ў Авальным кабінеце была не спантанная рэакцыя на словы Зяленскага, а, відавочна, справакаваная эскалацыя. Я быў трохі здзіўлены тонам размовы — ён не прынёс ніякай карысці», — сказаў Мерц.
Паводле яго слоў, такая рыторыка ўпісваецца ў агульную лінію паводзін новай адміністрацыі ЗША ў апошнія месяцы.
«У тым, што мы цяпер назіралі ў Вашынгтоне, ёсць пэўная пераемнасць у чарадзе падзей апошніх некалькіх тыдняў, уключаючы з'яўленне амерыканскай дэлегацыі ў Мюнхене на канферэнцыі па бяспецы», — дадаў Мерц.
Дональда Трампа таксама раскрытыкаваў былы прэзідэнт Польшчы і лідар прафсаюза «Салідарнасць» Лех Валэнса, які накіраваў прэзідэнту ЗША ліст.
«Мы з жахам і агідай сачылі за вашай размовай з прэзідэнтам Украіны Уладзімірам Зяленскім. Мы лічым вашы чаканні таго, што Украіна павінна праяўляць падзяку за матэрыяльную падтрымку, якую ЗША аказваюць ёй у барацьбе з Расіяй, абразлівымі. Падзяка належыць гераічным украінскім жаўнерам, якія праліваюць сваю кроў, абараняючы каштоўнасці вольнага свету», — напісаў Валэнса.
Ліст былога прэзідэнта Польшчы і лаўрэата Нобэлеўскай прэміі міру стаў адной з самых рэзкіх заяў, якія асуджаюць палітыку Трампа ў дачыненні да Кіева.
Трамп можа ўжо сёння прыняць рашэнне аб поўным спыненні вайсковай дапамогі Украіне
Зяленскі не будзе выбачацца перад Трампам
Рубіа: Прэзідэнт ЗША — адзіны, хто можа пасадзіць Пуціна за стол перамоваў
Еўрапейцы прапанавалі свой план, хочуць, каб ЗША да яго далучыліся. Але гатовыя «рыхтавацца да горшага»
Трамп і Зяленскі пасварыліся ў жывым эфіры
Цяпер чытаюць
Павел Вінаградаў упершыню расказвае, як яго закінулі на самае дно беларускай турмы. Як гэта — калі суседзі за цыгарэту ядуць чужое гаўно7
Каментары