Трамп падвоіў мыты на тавары з Кітаю і ўвёў у дзеянне ўказ пра мыты для Канады і Мексікі ў 25%
Прэзідэнт ЗША Дональд Трамп заявіў, што 25% тарыфы на тавары з Мексікі і Канады набудуць моц 4 сакавіка, што ўзмацніла асцярогі з нагоды гандлёвай вайны ў Паўночнай Амерыцы і выклікала рэзкае падзенне ключавых паказчыкаў фінансавых рынкаў, піша «Голас Амерыкі».
«Ім давядзецца плаціць тарыф. Таму ім давядзецца будаваць свае аўтамабільныя заводы, шчыра кажучы, і іншыя прадпрыемствы ў ЗША, у такім выпадку тарыфаў не будзе», — заявіў Трамп, выступаючы з прамовай у Белым доме.
Ён дадаў, што для здзелкі, якая магла б дапамагчы пазбегнуць увядзення тарыфаў за кошт скарачэння патокаў фентанілу ў ЗША, «не засталося месца».
Таксама 2 красавіка ўступяць у сілу «ўзаемныя» тарыфы для краін, якія ўводзяць пошліны на амерыканскія тавары.
Трамп пацвердзіў, што павысіць тарыфы на ўвесь кітайскі імпарт з 10% да 20% у сувязі з тым, што дзеянні Пекіна не прывялі да спынення паставак фентанілу ў ЗША.
Трамп растлумачыў гэта тым, што Кітай «не зрабіў дастатковых крокаў для змякчэння крызісу, звязанага з нелегальнымі наркотыкамі».
Адміністрацыя прэзідэнта ЗША пацвердзіла, што тарыфы набудуць моц у аўторак у 12:01 па паўночнаамерыканскім усходнім часе.
Імпарт з Канады і Мексікі будзе абкладацца 25— працэнтнымі тарыфамі, а для канадскага энергетычнага сектара стаўка складзе 10 працэнтаў.
Міністр замежных спраў Канады Мелані Жолі заявіла журналістам, што Атава гатова адказаць.
«З Авальнага кабінета зыходзіць пэўны ўзровень непрадказальнасці і хаосу, і мы будзем з гэтым разбірацца», — сказала яна.
Прэзідэнт Мексікі Клаўдыя Шэйнбаум заявіла ў панядзелак яшчэ да выступлення Трампа, што ў выпадку ўвядзення тарыфаў Мексіка таксама прыме меры ў адказ.
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары
Таму зша будзе 1:2 з кітаем і расеяй ;)