Нямецкая паліцыя зняла беларуса, які ехаў у Брусель, з аўтобуса і вярнула ў Польшчу
Нямецкая паліцыя праверыла аўтобус, які ехаў у Брусель. Сярод пасажыраў быў беларус, у якога знайшлі забаронены пярцовы балончык, паведамляе «Белсат».
Паліцыя спыніла рэйсавы аўтобус на кантрольна-прапускным пункце ў Герліцы на польска-нямецкай мяжы. Падчас праверкі дакументаў высветлілася, што адзін з пасажыраў — беларус. Ён ужо некалі прыцягваўся да адказнасці за крадзеж з прымяненнем зброі.
Паліцэйскія ўважлівей агледзелі мужчыну і знайшлі ў ягонай паясной торбе забаронены пярцовы балончык.
Беларус не змог адказаць на пытанне пра мэту сваёй паездкі і, паводле паліцыі, заблытаўся ў «сур’ёзных супярэчнасцях». У яго таксама не было пры сабе грошай на вандроўку.
Паліцыя зняла беларуса з аўтобуса і вярнула ў Польшчу.
Цяпер чытаюць
Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць39
Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў99
Каментары