У Мінску збіраюцца будаваць першы аўтамабільны тунэль. Дзе ён будзе?
У Мінску збіраюцца пабудаваць аўтамабільны тунэль, звярнуў увагу канал «Мінск і мінчук». Ён піша, што з панядзелка пачалося грамадскае абмеркаванне праекта рэканструкцыі раёна вуліцы Арлоўскай, дзе з'явіліся некаторыя важныя змены.
«Кідаецца ў вочы кругавое скрыжаванне ў месцы пераходу Старавіленскага тракта праз другое кальцо. Таксама варта звярнуць увагу, што відавочна прамаляваны аўтамабільны тунэль пад ім (раней ён фігураваў на візуалізацыях так, што можна было дыскутаваць аб рэальных планах). Стрэлкай паказаныя пункты ўваходу-выхаду тунэлю», — піша канал.
Мяркуючы па апублікаваным плане, аўтадарога нырне ў тунэль перад Даўгінаўскім трактам (калі ехаць з боку плошчы Бангалор), а выйдзе на паверхню за вуліцай Нававіленскай.
Тунэль пад Арлоўскай не сёння быў прыдуманы, піша Blizko.by.
— Гэта збудаванне даўно прадугледжвалася і генпланам горада, і дэталёвым планам. Пры развіцці раёна Паўночны Бераг нагрузка на скрыжаванні з вуліцай Нававіленскай і Старавіленскім трактам узрасце ў разы. Арганізацыя перасячэння дарог на адным узроўні можа прывесці да ўзнікнення затораў. Загрузка тут можа быць нават большай, чым цяпер на плошчы Бангалор, — тлумачыў выданню прадстаўнік «Мінскінжпраекта» Дзяніс Гуд.
-
«А 4‑й гадзіне ночы мы зразумелі, што серверы проста вычышчаныя». Яраслаў Іванюк расказаў падрабязнасці пра атаку на анлайн-бібліятэку «Камунікат»
-
Малады дзед з Кармы захацеў далучыць Сумы да Расіі. Практычны вынік — унучка ў Мазыры убачыць яго толькі на фота
-
Прапанавалі замацаваць заканадаўча абавязак браць удзел у перапісе
Цяпер чытаюць
Адстаўны міністр-карупцыянер прадае рэспектабельны катэдж каля Драздоў. Просіць $2 мільёны3
Каментары