У Мінску з 1 ліпеня 2026 года зменіцца парадак налічэння падатку на сабак. Цяпер яго будуць абавязаныя плаціць усе ўладальнікі, калі будзе ўстаноўлена, што жывёліна фактычна жыве ў кватэры, незалежна ад таго, зарэгістраваная яна ці не, піша агенцтва «Мінск-Навіны».
Паводле дзейных правіл, сабаку трэба зарэгістраваць у службе «Адно акно» па месцы жыхарства. Працэдура бясплатная і праводзіцца ў дзень падачы заявы.
Падатак уладальнікі павінны плаціць штоквартальна з таго моманту, як жывёліне спаўняецца тры месяцы.
Да 1 ліпеня будзе дзейнічаць пераходны перыяд. У аплатных паведамленнях з’явіцца напамін пра неабходнасць рэгістрацыі свойскіх жывёл. Пасля гэтай даты падатак пачнуць налічваць усім уладальнікам, калі будзе пацверджана, што сабака жыве ў іх кватэры. Інфармацыю пра незарэгістраваных жывёл плануюць атрымліваць з розных крыніц.
У падатковым заканадаўстве няма нормы, што падатак спаганяецца толькі з зарэгістраваных сабак, таму нават без афіцыйнай рэгістрацыі сума можа з’явіцца ў квітанцыі.
Базавая стаўка падатку складае 14 рублёў, для сабак патэнцыйна небяспечных парод — 67 рублёў. Аднак у сталіцы ўстаноўленая паніжаная стаўка — 11 рублёў 10 капеек за квартал за аднаго сабаку. Падвышаная стаўка пакуль не прымяняецца, бо афіцыйны спіс небяспечных парод не зацверджаны.
Ад выплаты вызваляюцца асобныя катэгорыі грамадзян:
- людзі з інваліднасцю, якія маюць сабаку-павадыра;
- інваліды I і II груп;
- інваліды III групы — для аднаго сабакі;
- пенсіянеры — для аднаго сабакі;
- бацькі дзяцей з інваліднасцю;
- шматдзетныя сем’і — для аднаго сабакі;
- жыхары аднакватэрных або блокавых дамоў — для аднаго сабакі.
За адсутнасць рэгістрацыі прадугледжаная адміністрацыйная адказнасць — штраф ад 1 да 15 базавых адзінак. Калі падатак налічаны, але не аплачаны, штраф складзе 15% ад нявыплачанай сумы, але не менш за палову базавай адзінкі.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары
Што занадта то ня здраве . Мне і ўсёй маёй фаміліі больш ня падабаецца аута ўладальнікі , якія труцяць паветра. Кожнана дзяцёнка магчыма навучыць каб ён абыходзіў лайно сабаччэ . Ня можна забараніць яму дыхаць . Колькі мрэць ад сабак ? А колькі ад дрэннага паветра? Наведайся ў Бараўляны .
За свято , ваду , ацяпленне... і так людзі плоцяць . Ежа за сваі грошы . Такі за што ?