Новы прэм'ер Нідэрландаў выступіў супраць прынцыпу аднагалоснасці пры прыняцці рашэнняў ЕС
Прэм’ер-міністр Нідэрландаў Роб Етэн, які зусім нядаўна заступіў на пасаду, заявіў, што Еўрапейскаму саюзу варта адмовіцца ад прынцыпу аднагалоснасці пры прыняцці часткі пастаноў. Паводле яго слоў, нядаўняе вета Венгрыі на крэдыт Украіне дэманструе, што цяперашняя сістэма можа запавольваць рэакцыю ЕС на важныя пытанні, паведамляе Euronews.
Етэн адзначыў, што новы ўрад Нідэрландаў выступае за скарачэнне колькасці рашэнняў, якія прымаюцца аднагалосна, паколькі гэта ўскладняе і запавольвае працу Еўрасаюза.
Ён падкрэсліў, што еўрапейскія лідары павінны выконваць раней дасягнутыя дамоўленасці. У выпадку іх невыканання, на ягоную думку, Еўрапейскай камісіі варта разглядаць магчымыя меры рэагавання.
Таксама ён заклікаў падтрымаць Украіну ў найбліжэйшыя месяцы, каб яна магла працягваць супрацьстаяць расійскай агрэсіі. Паводле слоў нідэрландскага прэм'ера, ва ўмовах скарачэння падтрымкі з боку ЗША Еўропе неабходна ўзяць на сябе большую адказнасць.
Асобна Етэн выказаўся пра перспектывы ўступлення Украіны ў ЕС. Ён лічыць, што цяпер рана называць канкрэтную дату далучэння, хоць дыялог па гэтым пытанні магчымы.
Пры гэтым пашырэнне Еўрасаюза, на яго думку, трэба разглядаць з геапалітычнага пункту гледжання, але дзейнічаць асцярожна, каб не падарваць асновы еўрапейскага праекта.
Акрамя таго, прэм’ер закрануў пытанні бяспекі і энергетыкі, адзначыўшы магчымыя наступствы міжнародных канфліктаў для цэн газу і стратэгічных запасаў. Ён падкрэсліў неабходнасць падрыхтоўкі да доўгатэрміновых выклікаў і магчымага ўплыву ваенных падзей на эканоміку.
У цэлым Етэн заявіў, што Нідэрланды вяртаюцца да актыўнай ролі ў еўрапейскай палітыцы, маюць намер умацоўваць абарону, падтрымліваць эканамічную канкурэнтаздольнасць і ўдзельнічаць у фармаванні наступнага доўгатэрміновага бюджэту ЕС, засяроджанага на ключавых напрамках развіцця — абароне, тэхналогіях і клімаце.
Адкрыты гей стаў наймаладзейшым у гісторыі прэм’ер-міністрам Нідэрландаў
«Замест выратавання Еўропы цэнтрысты вядуць яе ў прорву»
ЕС выказаў заклапочанасць і заклікаў праявіць стрыманасць пасля пачатку ваенных дзеянняў у Іране
Фон дэр Ляен паабяцала, што Украіна атрымае заблакаваныя Орбанам 90 мільярдаў еўра «так ці інакш»
Цяпер чытаюць
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна6
Каментары
Придет время, и на мнение Нидерландов плюнут, как он хочет плюнуть на мнение Венгрии.