Свет22

Ізраіль аднавіў удары па аб'ектах ХАМАС у сектары Газа

Ізраільскія вайскоўцы ў ноч на аўторак аднавілі ўдары па аб'ектах групоўкі ХАМАС у сектары Газа пасля загаду кіраўніцтва краіны. Улады Газы паведамляюць пра дзясяткі загінулых у выніку абстрэлаў, піша Бі-бі-сі.

Фота: Jehad Alshrafi / AP

«У адпаведнасці з рашэннем палітычнага эшалона, ЦАХАЛ і Шын-Бэт наносяць масіраваныя ўдары па аб'ектах тэрарыстаў, якія належаць тэрарыстычнай арганізацыі ХАМАС у сектары Газа», — гаворыцца ў сумеснай заяве Арміі абароны Ізраіля і Службы бяспекі Шын-Бэт.

У паведамленні канцылярыі прэм'ер-міністра Ізраіля адзначаецца, што Біньямін Нетаньяху і міністр абароны Ісраэль Кац аддалі распараджэнне вайскоўцам «прыняць рашучыя меры» супраць ХАМАС.

«Гэта адбылося пасля неаднаразовай адмовы ХАМАС вызваліць нашых закладнікаў, а таксама адмовы ад усіх прапаноў, атрыманых ад спецпасланніка прэзідэнта ЗША Стыва Уіткафа і пасярэднікаў, — заявіў офіс Нетаньяху. — Зараз ЦАХАЛ атакуе цэлі тэрарыстычнай арганізацыі ХАМАС па ўсім сектару Газа для дасягнення мэтаў вайны, вызначаных палітычным кіраўніцтвам, уключаючы вызваленне ўсіх нашых закладнікаў, жывых і мёртвых».

Высокапастаўлены прадстаўнік ХАМАС заявіў агенцтву Reuters, што Ізраіль у аднабаковым парадку спыняе дзеянне пагаднення аб спыненні агню, якое ўступіла ў сілу 19 студзеня.

Прадстаўнік падкантрольнага ХАМАС Агенцтва грамадзянскай абароны Газы Махмуд Басал паведаміў, што ў выніку серыі авіяўдараў і артылерыйскіх абстрэлаў загінулі прынамсі 66 чалавек і больш за 150 пацярпелі.

Reuters паведамляе са спасылкай на медыкаў у Газе пра гібель 100 чалавек, у тым ліку дзяцей. Пацвердзіць дакладнасць гэтых дадзеных пакуль немагчыма.

Прэс-сакратарка Белага дома Кэралайн Лівіт заявіла ў эфіры Fox News, што Ізраіль загадзя папярэдзіў амерыканскую адміністрацыю аб ударах па цэлях у Газе.

«Як ясна даў зразумець прэзідэнт Трамп, ХАМАС, хусіты, Іран, усе тыя, хто імкнецца тэрарызаваць не толькі Ізраіль, але і Злучаныя Штаты Амерыкі, заплоцяць за гэта», — сказала яна.

Першы этап перамір'я, заключанага пры пасярэдніцтве Катара, Егіпта і ЗША, уступіў у сілу 19 студзеня пасля больш чым 15 месяцаў баявых дзеянняў у сектары Газа, якія пачаліся пасля нападу ХАМАС на Ізраіль.

Тэрмін першага этапу пагаднення скончыўся 1 сакавіка. Меркавалася, што да гэтага моманту ўмовы другой фазы перамір'я будуць узгодненыя, аднак гэтага не адбылося.

Каментары2

  • политзек
    18.03.2025
    Очень жаль, что это соглашение вообще было подписано.
    с раковой опухолью невозможно договориться, она не рассосется..
    её можно только вырезать, чаще всего с какими-то здоровыми прилегающими тканями, увы... но по другому - НИКАК.
  • Ага,
    18.03.2025
    Куды бомба прыляцела - там і "аб'ект ХАМАС", а той хто загінуў - той і хамасавец... Пуцін робіць так жа сама, калі "знішчае нацыстаў"....

Цяпер чытаюць

«Мне сорамна, але я нават не памятаю». Сталі вядомыя новыя падрабязнасці з працэсу здымак эмігрантаў для кіно на БТ

«Мне сорамна, але я нават не памятаю». Сталі вядомыя новыя падрабязнасці з працэсу здымак эмігрантаў для кіно на БТ

Усе навіны →
Усе навіны

Аляксей Протас устанавіў беларускі рэкорд па балах у НХЛ

Зяленскі: Пуцін адкінуў прапанову спынення агню і атакаваў цывільную інфраструктуру5

Астранаўты Бутч Уілмар і Суні Уільямс вярнуліся на Зямлю пасля дзевяці вымушаных месяцаў у космасе2

Трамп: У нас была выдатная размова5

«Вітаем, КДБ Брэсцкай вобласці». Праграміст расказаў, як з крыміналкай вяртаўся ў Беларусь13

Турчын: Пералік тавараў з рэгуляванымі цэнамі скароцяць3

Украінцы ўзялі ў палон ураджэнца Магілёва і прысудзілі яму 15 гадоў за дзяржаўную здраду10

«Мы будзем адказваць на ўсе ўдары з боку Расіі». Зяленскі адрэагаваў на заяву Крамля пасля перамоў з ЗША3

У Бярозаўскім раёне жанчына набыла праз аўкцыён хату сваёй бабулі3

больш чытаных навін
больш лайканых навін

«Мне сорамна, але я нават не памятаю». Сталі вядомыя новыя падрабязнасці з працэсу здымак эмігрантаў для кіно на БТ

«Мне сорамна, але я нават не памятаю». Сталі вядомыя новыя падрабязнасці з працэсу здымак эмігрантаў для кіно на БТ

Галоўнае
Усе навіны →

Заўвага:

 

 

 

 

Закрыць Паведаміць