«Душэўна!». «Белорусскій сіловік» аж прэцца ад кожнага прылёту па ўкраінскіх гарадах
Словы Лукашэнкі пра тое, што яму аднолькава блізкія расіяне і ўкраінцы, абвяргаюцца кірункам каналаў беларускіх сілавых ведамстваў. Асабліва «Белорусского сіловіка», за якім стаіць Артур Гайко, афіцэр ГУБАЗіКа.
Падчас наведання Валаама, размаўляючы са СМІ, Аляксандр Лукашэнка запэўніваў, што «аднолькава ставіцца да ўсіх — і расіян, і ўкраінцаў». «Людзі — і ўкраінцы, і расіяне — яны ж воіны», — даводзіў Лукашэнка.
Каб пераканацца, наколькі гэта фальш, дастаткова адкрыць каналы беларускіх сілавікоў. Напрыклад, тэлеграм-канал, які так і называецца — «Белорусскій сіловік», — і за якім, як мы высветлілі раней, стаіць Артур Гайко, афіцэр ГУБАЗіКа.
Сёння канал натхнёна радаваўся рэкорднаму абстрэлу Украіны і яе сталіцы.
«Ну што ж, чарговы рэкорд па колькасці выкарыстаных за ноч ударных БПЛА па Украіне — 818», — з радасцю паведамляе канал.
«Гэта душэўна», — каментуе канал удар па Крукаўскім мосце ў Крэменчугу.
Размясціўшы фота пажару ў будынку ўрада Украіны, аўтары кпяць, што гэта карцінка, вартая паштовай маркі.
Для канала беларускіх сілавікоў «расійскія войскі вызвалілі населены пункт Харошае Днепрапятроўскай вобласці», забываючыся, што паводле міжнароднага права такія дзеянні кваліфікуюцца як «агрэсія» і «акупацыя».
Асобна трэба адзначыць, што «Белорусскій сіловік» амаль штодзённа рэкламуе службу ў расійскай арміі. Так, 5 верасня ён перапосціў інфармацыю расійскага вучэбнага цэнтра па падрыхтоўцы аператараў дронаў:
«Навучанне з наступным заключэннем кантракта для грамадзян Расіі з УС РФ», — адзначаецца ў рэкламе. Дадаецца таксама, што цэнтр «адкрыты да супрацоўніцтва для супрацоўнікаў узброеных сіл, сілавых і спецыяльных падраздзяленняў Рэспублікі Беларусь».
Канал «Белорусскій сіловік» настолькі прарасійскі, што многія меркавалі: гэта расіяне яго вядуць. Не, за ім стаіць суперагент Лукашэнкі
«Сённяшні ўдар па Кіеве — гэта новы паварот у расійскіх атаках па Украіне»
Канал беларускіх сілавікоў рэкламуе фэйкавы тэлеграм-канал Пуціна. Называюць «нашым прэзідэнтам»
Цяпер чытаюць
Іллю Дубскага ў калоніі прымусілі самому сабе лязом зрэзаць татуіроўку з Пагоняй11
Каментары
[Зрэдагавана]
Неужели вы,ехиднино отродье,хоть на секунду допускаете ,что такое будет бесконечно? Что вашего путина и его лукашенко подлатают и на ваш век хватит? Вы в силу особенностей своего развития,очевидно,не знаете средневековый постулат о колесе фортуны—загуглите и посмотрите,как оно выглядит.
И держите один патрон всегда при себе. Потому что в плен вам лучше не попадать—очень большой любовью пользуетесь среди населения.
Очень.
[Зрэдагавана]