Śviet22

Izrail adnaviŭ udary pa abjektach CHAMAS u siektary Haza

Izrailskija vajskoŭcy ŭ noč na aŭtorak adnavili ŭdary pa abjektach hrupoŭki CHAMAS u siektary Haza paśla zahadu kiraŭnictva krainy. Ułady Hazy paviedamlajuć pra dziasiatki zahinułych u vyniku abstrełaŭ, piša Bi-bi-si.

Fota: Jehad Alshrafi / AP

«U adpaviednaści z rašeńniem palityčnaha ešałona, CACHAŁ i Šyn-Bet nanosiać masiravanyja ŭdary pa abjektach terarystaŭ, jakija naležać terarystyčnaj arhanizacyi CHAMAS u siektary Haza», — havorycca ŭ sumiesnaj zajavie Armii abarony Izraila i Słužby biaśpieki Šyn-Bet.

U paviedamleńni kancylaryi premjer-ministra Izraila adznačajecca, što Bińjamin Nietańjachu i ministr abarony Israel Kac addali rasparadžeńnie vajskoŭcam «pryniać rašučyja miery» suprać CHAMAS.

«Heta adbyłosia paśla nieadnarazovaj admovy CHAMAS vyzvalić našych zakładnikaŭ, a taksama admovy ad usich prapanoŭ, atrymanych ad śpiecpasłańnika prezidenta ZŠA Styva Uitkafa i pasiarednikaŭ, — zajaviŭ ofis Nietańjachu. — Zaraz CACHAŁ atakuje celi terarystyčnaj arhanizacyi CHAMAS pa ŭsim siektaru Haza dla dasiahnieńnia metaŭ vajny, vyznačanych palityčnym kiraŭnictvam, uklučajučy vyzvaleńnie ŭsich našych zakładnikaŭ, žyvych i miortvych».

Vysokapastaŭleny pradstaŭnik CHAMAS zajaviŭ ahienctvu Reuters, što Izrail u adnabakovym paradku spyniaje dziejańnie pahadnieńnia ab spynieńni ahniu, jakoje ŭstupiła ŭ siłu 19 studzienia.

Pradstaŭnik padkantrolnaha CHAMAS Ahienctva hramadzianskaj abarony Hazy Machmud Basał paviedamiŭ, što ŭ vyniku sieryi avijaŭdaraŭ i artyleryjskich abstrełaŭ zahinuli prynamsi 66 čałaviek i bolš za 150 paciarpieli.

Reuters paviedamlaje sa spasyłkaj na miedykaŭ u Hazie pra hibiel 100 čałaviek, u tym liku dziaciej. Paćvierdzić dakładnaść hetych dadzienych pakul niemahčyma.

Pres-sakratarka Biełaha doma Kerałajn Livit zajaviła ŭ efiry Fox News, što Izrail zahadzia papiaredziŭ amierykanskuju administracyju ab udarach pa celach u Hazie.

«Jak jasna daŭ zrazumieć prezident Tramp, CHAMAS, chusity, Iran, usie tyja, chto imkniecca teraryzavać nie tolki Izrail, ale i Złučanyja Štaty Amieryki, zapłociać za heta», — skazała jana.

Pieršy etap pieramirja, zaklučanaha pry pasiarednictvie Katara, Jehipta i ZŠA, ustupiŭ u siłu 19 studzienia paśla bolš čym 15 miesiacaŭ bajavych dziejańniaŭ u siektary Haza, jakija pačalisia paśla napadu CHAMAS na Izrail.

Termin pieršaha etapu pahadnieńnia skončyŭsia 1 sakavika. Mierkavałasia, što da hetaha momantu ŭmovy druhoj fazy pieramirja buduć uzhodnienyja, adnak hetaha nie adbyłosia.

Kamientary2

  • politziek
    18.03.2025
    Očień žal, čto eto sohłašienije voobŝie było podpisano.
    s rakovoj opucholju nievozmožno dohovoriťsia, ona nie rassosietsia..
    jejo možno tolko vyriezať, čaŝie vsieho s kakimi-to zdorovymi prilehajuŝimi tkaniami, uvy... no po druhomu - NIKAK.
  • Aha,
    18.03.2025
    Kudy bomba prylacieła - tam i "abjekt CHAMAS", a toj chto zahinuŭ - toj i chamasaviec... Pucin robić tak ža sama, kali "źniščaje nacystaŭ"....

Ciapier čytajuć

Na BT zrabili film pra toje, jak biełarusy ledź vyžyvajuć u Jeŭropie. Kab zapisać videa, hierojaŭ žorstka padmanuli1

Na BT zrabili film pra toje, jak biełarusy ledź vyžyvajuć u Jeŭropie. Kab zapisać videa, hierojaŭ žorstka padmanuli

Usie naviny →
Usie naviny

Rasijskaha komika zatrymali ŭ Biełarusi za žarty pra ŭdzielnikaŭ SVA. Biełaruskija siłaviki paviesili na komika miasarubku12

Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»23

Turčyn: U Biełarusi nie buduć biazdumna zajmacca emisijaj hrošaj8

Bieły dom ab patrabavańni viarnuć statuju Svabody: Tolki dziakujučy ZŠA francuzy ciapier nie razmaŭlajuć pa-niamiecku15

Viadomy ajcišnik adkryŭ kampaniju ŭ Polščy. Šeść bankaŭ adchilili zajaŭku na rachunak13

«U razmovach z Trampam Pucin nasamreč kpiŭ ź jaho, ale Tramp hetaha nie razumieŭ z-za asablivaściej pierakładu»13

Čarhovy antyrekord. Źjaviłasia śviežaja statystyka pra naradžalnaść biełarusaŭ24

Jakim budzie novy histaryčny muziej Biełarusi3

«Erudziravany nie značyć razumny». Znatok «Što? Dzie? Kali» Raŭšan Askieraŭ vyklikaŭ zamiašańnie svaim intervju19

bolš čytanych navin
bolš łajkanych navin

Na BT zrabili film pra toje, jak biełarusy ledź vyžyvajuć u Jeŭropie. Kab zapisać videa, hierojaŭ žorstka padmanuli1

Na BT zrabili film pra toje, jak biełarusy ledź vyžyvajuć u Jeŭropie. Kab zapisać videa, hierojaŭ žorstka padmanuli

Hałoŭnaje
Usie naviny →

Zaŭvaha:

 

 

 

 

Zakryć Paviedamić