27 sakavika adbyłosia ŭzhadnieńnie novych pryznačeńniaŭ kiraŭnikoŭ miascovych vykanaŭčych i rasparadčych orhanaŭ, piša BiełTA
Ksienija Panciuchova ŭzhodniena na pasadu namieśnicy staršyni Homielskaha abłvykankama (kirunak — ekanomika i pramysłovaść). Da hetaha času jana ŭznačalvała Homielskaje adździaleńnie Biełaruskaj handlova-pramysłovaj pałaty.
Hienieralny dyrektar Mahiloŭskaha zavoda liftavaha mašynabudavańnia Siarhiej Čartkoŭ pryznačany staršyniom Mahiloŭskaha harvykankama.
Kiravać Babrujskim rajvykankamam budzie Michaił Krycki, hienieralny dyrektar RUP «Kupałaŭskaje» — kiraŭničaj kampanii chołdynhu.
Alaksiej Šaraj, pieršy namieśnik kiraŭnika administracyi Leninskaha rajona Mahilova, uzhodnieny na pasadu staršyni Kryčaŭskaha rajvykankama.
Pieršy namieśnik staršyni Drybinskaha rajvykankama, načalnik upraŭleńnia pa sielskaj haspadarcy i charčavańni Ivan Bahiel, uzhodnieny staršyniom Kruhlanskaha rajvykankama.
Dyrektar filijała «Aŭtobusny park №6» «Homielabłaŭtatransa» Siarhiej Jankovič pryznačany kiraŭnikom administracyi Navabielickaha rajona Homiela. Jaho papiarednik, Alaksiej Vasiučanka, uzhodnieny na pasadu kiraŭnika spraŭ Homielskaha abłvykankama.
Pieršy namieśnik kiraŭnika administracyi Maskoŭskaha rajona Minska Siarhiej Rubanaŭ atrymaŭ pavyšeńnie — ciapier jon hłava administracyi rajona.
Kiraŭnikom administracyi Frunzienskaha rajona Minska staŭ Arciom Šehidevič, rektar Biełaruskaj dziaržaŭnaj akademii avijacyi.
Dźmitryj Siamionaŭ pryznačany hienieralnym dyrektaram Nacyjanalnaj kinastudyi «Biełaruśfilm».
Dzianis Jurčanka — hienieralnym dyrektaram RUP «Kirujučaja kampanija chołdynhu «Biełaruskaja šklanaja kampanija».
Mikałaj Kazakoŭ — rektaram Biełaruskaha dziaržaŭnaha ŭniviersiteta transpartu.
Ciapier čytajuć
Paśla biełaruskaj vioski Šnajderaŭ bolš nie biantežyć pytańnie ŁHBT. Siamja z Hiermanii, jakaja stała hierojami prapahandy, viartajecca ŭ ES27
Kamientary