Міністр лясной гаспадаркі Аляксандр Кулік асабіста праверыў, як ідзе продаж бярозавага соку ў Мінску, паведамляе прэс-служба Мінлясгаса.
Кіраўнік лясной галіны наведаў некалькі гандлёвых пунктаў, дзе арганізаваны продаж сезоннага напою. На пляцоўцы па адрасе вул. Ціміразева, 118, дзе сок рэалізуе Барысаўскі доследны лясгас, міністру распавялі, што толькі за ўчорашні дзень было прададзена 6 тон.
Раней паведамлялася, што свежы бярозавік павінен прадавацца ў Мінску па 50 капеек за літр.
На вуліцы Баграціёна, 70, дзе Мінскі лясгас традыцыйна ў снежні гандлюе навагоднімі елкамі, а ў сакавіку — бярозавым сокам, за дзень прадалі 17 тон напою. «Бывае, і па 20 тон за суткі прадаём. Яшчэ не было выпадку ў гэтым сезоне, каб каму-небудзь не хапіла», — запэўнілі прадстаўнікі лясгаса, удакладніўшы, што яны заўсёды працуюць да апошняга пакупніка.
На гэтай пляцоўцы наведвальнікаў, хоць і было ў разы больш, чым на папярэдняй, але назваць чаргу крытычнай нельга, адзначылі ў Мінлясгасе.
«Прама на вачах у міністра адзін з пакупнікоў набыў 25 (!) пяцілітровых бутэлек соку. Тым не менш, такімі аб’ёмамі Мінскі лясгас не здзівіш. Астатнім пакупнікам даводзіцца крыху пачакаць», — звярнулі ўвагу ў ведамстве.
Аляксандр Кулік таксама планаваў ацаніць гандаль Стаўбцоўскага лясгаса ў Мінску на пляцоўцы каля гандлёвага цэнтра «Тытан», але прыехаў яшчэ да адкрыцця гандлёвай кропкі. Рэжым працы ў аб’екта абмежаваны — з 14:00 да 18:00. Гэта выклікала неразуменне.
«Гандаль павінен весціся мінімум з 11-й раніцы!» — пакрытыкаваў падыход кіраўніцтва Столбцаўскага лясгаса міністр.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі18
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары