Мінлясгас складзе дрэвамі ідэалагічны надпіс, які будзе відаць з самалётаў
Міністэрства лясной гаспадаркі Беларусі анансавала ідэю да 80-годдзя перамогі над Германіяй у 1945 годзе — высадзіць вялізны надпіс «9 Мая» з жывых дрэў, піша БелТА. Гэтую дату «ўвекавечаць сіламі работнікаў» на полі ў Кіраўскім раёне.
Як паведаміў першы намеснік міністра Аляксандр Драгун, участак для высадкі дрэў спецыяльна перадалі з сельгасугоддзяў у лясны фонд пад кіраванне Бабруйскага лясгаса.
Фонам у высадках паслужыць масіў з бяроз, а самі сімвалы — «9 Мая» — будуць высаджаныя дрэвамі сасны, якія павінны кантраставаць з белымі стваламі бяроз пры поглядзе зверху.
Высаджваць дрэвы будуць у красавіку.
Гэтая практыка ідзе каранямі ў савецкі час, калі на тэрыторыі тагачаснай БССР было пасаджана некалькі такіх ідэалагічных надпісаў. Самы вядомы з падобных выпадкаў — надпіс «Ленин», размешчаны каля райцэнтра Іванава ў Брэсцкай вобласці.
Каментары
Хотя, идеологи скажут, что есть более подходящие и "идеологически правильные надписи".