Колькі Ірына Абельская зарабляе на пасадзе кіраўніцы «лечкамісіі»
Ірына Абельская, маці Мікалая Лукашэнкі, ужо 16 год кіруе Рэспубліканскім клінічным медычным цэнтрам, які знаходзіцца ў веданні Упраўлення спраў Лукашэнкі. У народзе гэтая клініка вядомая як «лечкамісія». «Бюро» высветліла, якую заработную плату Ірыне Абельскай налічваюць у клініцы для беларускай «эліты».
У 2022 годзе ейная налічаная зарплата, з якой выплачваліся падаткі і ўзносы, планамерна расла ад 4,7 да 8,2 тысячы беларускіх рублёў. У 2023 і 2024 гадах тэндэнцыя да росту заробку ў мамы Мікалая захавалася.
Аб’ём стаўкі галоўнага доктара ў 2024 годзе дасягнуў 11,7 тысячы беларускіх рублёў.
Прадстаўнік «Белых халатаў» тлумачыць, што паводле статусу гэтая ўстанова прыраўноўваецца да рэспубліканскага навукова-практычнага цэнтра (РНПЦ). Але такой установы, як клініка, якой кіруе Абельская, існаваць не павінна.
«РНПЦ — гэта апошні, самы высокі ўзровень [у сістэме аказання меддапамогі]: у гэтай установе павінны канцэнтравацца самыя перадавыя тэхналогіі, самыя кваліфікаваныя людзі, і ў адрозненне ад звычайнай лякарні яны нацэленыя на тое, каб змагацца з найбольш складанымі выпадкамі.
Па такім прынцыпе арганізаваныя ўсе РНПЦ, акрамя аднаго — Упраўлення спраў [Лукашэнкі]. Гэтая арганізацыя створаная не для таго, каб займацца праблемамі нейкай канкрэтнай галіны ў ахове здароўя і ў медыцыне, а для чыноўнікаў. Па сутнасці, яна з’яўляецца шматпрофільнай установай, якая выконвае функцыю і паліклінікі, і стацыянара для пэўнай катэгорыі грамадзян. РНПЦ пабудаваны на грошы падаткаплацельшчыкаў. Таму сам факт існавання такой установы выклікае пытанні», — пракаментаваў «Бюро» медыяпраект «Белыя халаты».
Мінскія ўлады расказалі, як будуць змагацца з «акіянам аўтамабіляў» у дварах2
Каментары