За 2024 год у Беларусі выявілі 795 фальшывых грашовых знакаў — іх агульная колькасць зменшылася на 28,1% у параўнанні з 2023 годам. Асноўную долю склалі падробленыя даляры — 83,1%, далей ідуць расійскія рублі (9,1%), еўра (6,8%) і беларускія рублі (0,9%), паведамляе Нацбанк.
У параўнанні з 2023 годам колькасць падробленых даляраў зменшылася на 31,9%, а беларускіх рублёў — на 66,7%. Аднак колькасць падробак расійскіх рублёў, наадварот, вырасла на 16,1%.
Сярод даляраў часцей за ўсё падраблялі банкноты наміналам 100 і 50 даляраў — 64,1% і 35,4% адпаведна. Асноўную масу падробленых расійскіх рублёў склалі купюры наміналам 5000 рублёў — 84,7%.
Што тычыцца еўра, пераважалі падробкі банкнот наміналам 50 еўра (64,8%). У беларускіх рублях зафіксаваны толькі адзінкавыя выпадкі падробак купюр узору 2009 года.
Падробкі былі выяўлены ў 60 населеных пунктах. У Мінску зафіксавана 41,4% усіх выпадкаў.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты27
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)77
Каментары