Мінск выдае за «зніжкі» звычайныя тарыфы «Белмытсэрвіса». Колькі заплацяць за прастой фур літоўскія перавозчыкі?
Пасля чарговага візіту спецпасланніка ЗША па Беларусі Джона Коўла ў Мінск Аляксандр Лукашэнка паабяцаў з панядзелка пачаць выпускаць літоўскія фуры. Першапачаткова ўлады планавалі браць за суткі захоўвання па 120 еўра, але пасля агучылі, што цэны за паркоўку будуць у разы меншыя. Перавозчыкі падзяліліся інфармацыяй, колькі ім трэба заплаціць.
Літоўскія грузавікі, прычэпы і паўпрычэпы не маглі выехаць з Беларусі з лістапада 2025 года — беларускія ўлады перасталі іх выпускаць у адказ на закрыццё мяжы літоўскім бокам. Для іх захоўвання быў уведзены адмысловы драконаўскі тарыф — 120 еўра за суткі, што было нашмат больш, чым прадугледжвалася раней. Па апошніх даных, у Беларусі застаецца каля 1900 адзінак транспарту з літоўскай рэгістрацыяй.
У панядзелак мытнікі паведамілі, што аплата за захоўванне фур «у разы ніжэйшая за вызначаную раней». Для прычэпаў і паўпрычэпаў — у 7 разоў, а для цягачоў — у 2—3 разы, але дакладныя лічбы не называліся.
Перавозчыкі, якія ўжо паспелі ўдакладніць інфармацыю, кажуць, што так званымі зніжкамі ў 3—7 разоў на самой справе называюць звычайныя тарыфы ад «Белмытсэрвіса».
Гэта каля 164 рублёў за цягач з паўпрычэпам. Калі стаіць толькі цягач, то гэта 110 рублёў, а калі толькі прычэп — 54 рублі за суткі захоўвання.
Такім чынам, атрымліваецца, што за адну фуру трэба будзе аддаць больш за 20 тысяч рублёў (каля 5800 еўра), калі весці адлік ад 20 лістапада, калі фуры з літоўскімі нумарамі перасталі выпускаць з Беларусі.
Калі б застаўся адмысловы тарыф на 120 еўра, то за аналагічны чатырохмесячны прастой літоўскім перавозчыкам давялося б аддаць каля 15 тысяч еўра.
Цяпер чытаюць
Беларусы горача спрачаюцца, ці варта прывязваць дапамогу на дзіця да заробку маці29
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары