Мінская кандытарская фабрыка «Камунарка» выпусціла новы від шакаладу з серыі «Любімая Алёнка». Цяпер у малочны шакалад дадалі фундук, і на прадпрыемстве лічаць, што гэта зробіць яго смак яшчэ лепшым, піша Telegraf.news.
У склад новага прадукту ўваходзяць цукар, какава-алей, здробнены смажаны фундук, какава-цёртае, сухія вяршкі і малако, эмульгатар і натуральны водар ванілі. Пакуль гэты шакалад будуць прадаваць толькі ў фірмовых крамах, а цана яшчэ не паведамляецца.
Апошнім часам фабрыка актыўна пашырае гэтую лінейку шакаладу. Акрамя класічнага варыянту, ужо ёсць шакалад з малочнай начынкай, з печывам і з арахісам.
Гэтая марка вядзе сваю гісторыю яшчэ з савецкіх часоў. У 1967 годзе пачалі выпускаць шакалад «Алёнка», які выраблялі на розных фабрыках ва ўсім Савецкім Саюзе па адным рэцэпце. Пасля распаду СССР расійская фабрыка «Чырвоны Кастрычнік» зарэгістравала правы на назву і вядомы вобраз дзяўчынкі.
Каб пазбегнуць спрэчак, «Камунарка» ў 1990‑я гады перайменавала свой шакалад у «Любімая Алёнка» і змяніла дызайн упакоўкі. Замест рэальнай дзяўчынкі там з’явіўся намаляваны персанаж. Менавіта гэты вобраз і стаў пазнавальным для пакупнікоў у Беларусі.
«Шмат бландзінаў і смачны шакалад». Дзяўчына пералічыла стэрэатыпы пра Беларусь — вось што ёй адказалі
«Камунарка» выпусціла святочныя цукеркі з шампанскім
Пальмавы алей і глазура замест шакаладу. Як расійскія цукеркі выціскаюць беларускія з паліц крам
«Камунарка» выпусціла цукеркі для мужчын з нечаканай начынкай
«Камунарка» выпусціла аналаг «кіндараў»
Цяпер чытаюць
35‑гадовы дальнабойшчык з Беларусі раптоўна памёр у Кітаі. Гэта муж самай тытулаванай беларускай дзюдаісткі3
Каментары