Прэзідэнт ЗША Дональд Трамп лічыць, што расійскія ўлады зацягваюць перамовы аб спыненні вайны з Украінай. Пра гэта паведаміла журналістка Fox News Джэкі Хайнрых са спасылкай на крыніцу, знаёмую з ходам абмеркаванняў.
Паводле слоў Хайнрых, Трамп расчараваны ў прэзідэнце Расіі Уладзіміры Пуціне. Журналістка піша ў сацсетцы X, што ў Белым доме разглядаюць варыянт жорсткага прымянення санкцый, якія ўдараць па расійскім ценявым флоце.
«Мне паведамілі, што кантроль за выкананнем санкцый цяпер нізкі — неафіцыйна ён ацэньваецца прыкладна на ўзроўні «3 з 10». І перахоп дзейнасці расійскага «ценявога флоту» <…> можа стаць лёгкай мішэнню для ціску», — напісала Хайнрых, піша Расійская служба Радыё Свабода.
Пра тое, што Трамп незадаволены апошнімі выказваннямі лідараў абодвух бакоў расійска-украінскага канфлікту — прэзідэнта Расіі і прэзідэнта Украіны, раней таксама распавяла прэс-сакратарка Белага дома без удакладнення, якія менавіта выказванні выклікалі незадаволенасць Трампа.
Сам прэзідэнт ЗША раней заяўляў, што быў «раз’юшаны» словамі Пуціна пра нелегітымнасць украінскага лідара Уладзіміра Зяленскага і неабходнасць увядзення вонкавага кіравання для Украіны. Трамп прыгразіў Расіі другаснымі пошлінамі на экспарт нафты ў выпадку, калі Масква ў найбліжэйшы час не пагодзіцца на перамір’е.
МЗС Расіі ў сваю чаргу паведаміла, што Масква сур’ёзна ставіцца да прапаноў Вашынгтона па Украіне, але не можа прыняць іх «проста як ёсць». Намеснік кіраўніка расійскага знешнепалітычнага ведамства Сяргей Рабкоў адзначыў, што амерыканская пазіцыя не прадугледжвае ўстаранення першапрычын расійска-украінскага канфлікту, а таксама не заклікае Кіеў «спыніць вайну».
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары
Гэтае фота вельмі пасуе.
Яшчэ 3-4 месяцы, і мабыць, здагадаецца, хто пачаў вайну.