Іран прывёў сваю армію ў стан павышанай гатоўнасці, баючыся ўдару ЗША
Вярхоўны лідар Ірана аятала Алі Хаменеі прывёў узброеныя сілы Ірана ў стан павышанай гатоўнасці, паведамляе Reuters са спасылкай на высокапастаўленага іранскага чыноўніка. Гэта адбылося на фоне таго, што ЗША патрабавалі правесці перамовы па ядзернай праграме Ірана, а ў адваротным выпадку — пачаць бамбардзіроўку.
Іран накіраваў паведамлення Іраку, Кувейту, Аб'яднаным Арабскім Эміратам, Катару, Турцыі і Бахрэйну аб тым, што любая падтрымка нападу ЗША на Іран, уключаючы выкарыстанне іх паветранай прасторы або тэрыторыі амерыканскімі вайскоўцамі падчас нападу, будзе разглядацца як варожы акт.
Асцярогі з нагоды больш маштабнага рэгіянальнага канфлікту ўстрывожылі дзяржавы вакол Персідскага заліва, які мяжуе з аднаго боку з Іранам, а з другога — з саюзнымі ЗША арабскімі манархіямі, на якія прыпадае значная доля сусветных паставак нафты.
Іран спрабуе заручыцца большай падтрымкай Расіі, але скептычна ставіцца да прыхільнасці Масквы, сказаў іншы іранскі чыноўнік.
У сакавіку паведамлялася, што Трамп накіраваў Хаменеі ліст, дзе даваў два месяцы на заключэнне новай ядзернай здзелкі. Іран ад прамых перамоў адмовіўся.
Іран доўгі час адмаўляў, што хоча стварыць ядзерную зброю. Тым не менш, ён паскарае ўзбагачэнне ўрану да 60% чысціні, што блізка да прыкладна 90% зброевага ўзроўню, папярэджвае агенцтва ААН па ядзерным наглядзе.
Заходнія дзяржавы заяўляюць, што няма неабходнасці ўзбагачаць уран да такога высокага ўзроўню ў рамках якой-небудзь цывільнай праграмы і што ні адна іншая краіна не рабіла гэтага без стварэння ядзерных бомбаў.
Цяпер чытаюць
«Яна не выглядала шчырай, была ў масцы». Паўлючэнка пра сустрэчу Калеснікавай з беларускімі журналістамі21
Каментары
Заўзятарам Нетаньяху Тэль Авіва сваю " неіснуючую" ядзброю Ізраіль праз усе забароны атрымал парушыл ўсе дамовы ..