Некалькі гадоў трое беларусаў пры пасярэдніцтве замежных грамадзян арганізавалі незаконны ўезд і знаходжанне мігрантаў у Беларусі.
У МУС Беларусі выкрылі схему незаконнай легалізацыі грамадзян з краін Сярэдняй Азіі. Удзельнікі злачыннай групы, якая складалася з трох беларусаў пры пасярэдніцтве замежных грамадзян, на працягу некалькіх гадоў арганізоўвалі незаконны ўезд і знаходжанне мігрантаў у Беларусі.
Яны выраблялі і падавалі ў дзяржаўныя ўстановы падробленыя дакументы ад імя фіктыўных або легальных працадаўцаў, што дазваляла грамадзянам Туркменістана і Узбекістана атрымліваць візу і дазвол на часовае пражыванне ў Беларусі.
Папярэдне ўстаноўлена, што паслугамі гэтых пасярэднікаў скарысталіся 210 асоб.
Падчас ператрусаў па месцах пражывання падазраваных канфіскаваны электронныя носьбіты інфармацыі, фінансава-гаспадарчыя дакументы і буйныя сумы ў беларускіх рублях і замежнай валюце.
Затрыманы каля 100 замежнікаў, якім незаконна дапамаглі застацца ў Беларусі. Многія з іх працавалі таксістамі, падсобнымі рабочымі на рынках і будаўнічых аб'ектах.
Цяпер чытаюць
Разведка ЗША: Беларусь стала перадавым вайсковым плацдармам Расіі16
Каментары
У Караева в области на точках с фруктами или зайдёшь в магазин «Родны кут», а там одни чёрненькие представительницы из дружественных республик Средней Азии.