Намесніка дырэктара буйнога прадпрыемства з Дзятлаўшчыны пасадзілі за «садзейнічанне экстрэмізму»
Сяргей Васюкевіч 20 гадоў працаваў на прадпрыемстве «Ізаком Пласт», якое выпускае гнуткія ізаляваныя пластыкавыя трубы. Але цяпер ён за кратамі.
Сяргею Васюкевічу 42 гады, ён родам з Дзятлава. Скончыў мясцовую школу №3 і Навагрудскі гандлёва-эканамічны каледж. Пасля службы ў войску атрымаў вышэйшую адукацыю ў БДЭУ па спецыяльнасці «Лагістыка і цэнавая палітыка».
Працаваць пачынаў у Дзятлаўскім «Райкаапзнешгандлі», а пасля перайшоў маркетолагам у мясцовае прадпрыемства «Ізаком». Апошнія 11 гадоў Сяргей быў намеснікам дырэктара па камерцыі ў сталічным офісе «Ізаком Пласт».
Для Дзятлаўшчыны група кампаній «Ізаком» і «Ізаком Пласт» — гэта важны завод. Прадпрыемства вырасла на месцы закінутага завода драўляных канструкцый і ператварылася ў гіганта, дзе працуюць 270 чалавек — вялікая лічба для райцэнтра.
Там выпускаюць гнуткія ізаляваныя трубы, якія экспартуюцца ў Расію і выкарыстоўваюцца ў дзяржпраграмах. У 2025 годзе, калі Сяргей ужо быў пад пераследам, кампанія атрымала ўзнагароду «Лідар энергаэфектыўнасці».
Сяргей чалавек шырокага кругагляду. Ён любіць электракары, сачыў за інвестыцыямі ў металы і акцыі буйных рытэйлераў, цікавіцца гісторыяй і музыкай. У сям’і двое дзяцей. Таксама Сяргей займаецца садам.
Ён апошні раз быў анлайн у сацсетках у сакавіку 2025 года. Прысуд яму вынес Мінскі гарадскі суд паводле частак 1 і 2 артыкула 361‑4 КК — «садзейнічанне экстрэмісцкай дзейнасці». Верагодна, яго асудзілі па справе Гаюна.
Сяргей з таго часу не з'явіўся анлайн — найхутчэй, прысуд звязаны з пазбаўленнем волі ў калоніі.
«Наша Нiва» — бастыён беларушчыны
ПАДТРЫМАЦЬ
У 2020 годзе ябацька Аміна «актыўна галасавала» за Лукашэнку. А цяпер не разумее, чаму родная маці на яе данесла, а міліцыя затрымала33
Каментары
[Зрэдагавана]