Дональд Трамп разам з членамі сваёй сям’і і кампаніяй Trump Organization падаў пазоў супраць Падатковай службы ЗША і Міністэрства фінансаў, патрабуючы кампенсацыю не менш як 10 мільярдаў даляраў. Гэта адбываецца на фоне значнага дэфіцыту бюджэту і росту дзяржаўнага доўгу ЗША, якія, паводле МВФ, у значнай ступені ўзмацніліся пасля прыняцця ініцыяванага Трампам падатковага закона, піша Financial Times.
Прычынай пазову стала ўцечка падатковых дэкларацый Трампа. Гэтыя дакументы ў 2019—2020 гадах перадаў выданням The New York Times і ProPublica Чарльз Літлджон, былы супрацоўнік кансалтынгавай кампаніі Booz Allen Hamilton, якая працавала з Падатковай службай. Раней, падчас сваёй першай прэзідэнцкай кампаніі, Трамп адмовіўся публікаваць падатковыя дэкларацыі, парушыўшы шматгадовую традыцыю.
У пазове сцвярджаецца, што перадача інфармацыі «левым СМІ» нанесла сур’ёзную шкоду дзелавой рэпутацыі і фінансам Трампа і яго сям’і, прывяла да публічнага прыніжэння і сфармавала скажоны вобраз іх дзейнасці.
На аснове злітых матэрыялаў The New York Times паведамляла, што ў 2016 годзе Трамп заплаціў усяго 750 даляраў федэральнага падаходнага падатку, а за 10 з папярэдніх 15 гадоў не плаціў яго наогул, выкарыстоўваючы фінансавыя схемы, пры якіх афіцыйныя страты перавышалі прыбыткі.
У 2024 годзе Літлджона прысудзілі да пяці гадоў пазбаўлення волі за разгалошванне падатковай таямніцы. ProPublica на падставе гэтай уцечкі апублікавала больш за 50 артыкулаў пра падатковыя стратэгіі найбагацейшых людзей ЗША, у тым ліку Ілана Маска, Джэфа Безаса, Уорэна Бафета і Майкла Блумберга.
Як адзначае The Wall Street Journal, калі суд прыме пазоў да разгляду, справа будзе беспрэцэдэнтнай. Хоць Трамп выступае як прыватная асоба, ён адначасова займае пасаду прэзідэнта і мае паўнамоцтвы звальняць тых самых чыноўнікаў, якія фактычна з’яўляюцца адказчыкамі: міністра фінансаў, кіраўніка Падатковай службы і генпракурора.
У выніку падначаленыя Трампу дзяржаўныя службоўцы апынуцца ў сітуацыі, калі ім давядзецца абараняць у судзе пазіцыю ўрадавых структур ад пазову, пададзенага самім прэзідэнтам, а таксама весці з ім перамовы наконт магчымых кампрамісаў і выплат.
Трамп падаў пазоў супраць BBC на пяць мільярдаў даляраў
Трамп загадаў расследаваць магчымыя сувязі Эпштэйна з Клінтанам і банкірамі. Мінюст ЗША падпарадкаваўся
«Бі-бі-сі» выбачылася перад Трампам за мантаж яго прамовы ў праграме
Трамп падаў пазоў на 15 мільярдаў даляраў супраць газеты The New York Times
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам51
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4646
Каментары