«Гаворка ідзе не толькі пра маю асабістую бяспеку, але і пра супрацоўнікаў нашага офіса».
Офіс Святланы Ціханоўскай з 30 студзеня пачне працаваць з Варшавы. Пра гэта піша выданне Rzeczpospolita.
Ціханоўская патлумачыла пераезд зніжэннем узроўню аховы, які ёй забяспечваўся ў Літве.
«Я думала, што вяртацца на радзіму мне давядзецца з Вільні, якая знаходзіцца ўсяго за 30 км ад мяжы з Беларуссю. Але ўзровень нашай аховы ў Літве змяніўся. Гаворка ідзе не толькі пра маю асабістую бяспеку, але і пра супрацоўнікаў нашага офіса. Гэта прымусіла мяне шукаць іншыя рашэнні і рэарганізоўваць нашу дзейнасць», — прыводзіць яе словы выданне.
Святлана Ціханоўская не стала ўдакладняць прычыны такога рашэння літоўскага ўрада.
«Я вельмі ўдзячная Літве, якая першай працягнула мне руку і на працягу многіх гадоў падтрымлівала беларускія дэмакратычныя сілы», — сказала яна.
Пра будучы пераезд Ціханоўскай і часткі Офіса ў Варшаву «Наша Ніва» паведамляла яшчэ ў снежні.
Каментары