У Крамлі паведамілі, на які тэрмін Пуцін паабяцаў Трампу не біць па Украіне
У Крамлі заявілі, што прэзідэнт ЗША Дональд Трамп папрасіў Расію часова спыніць удары па гарадах Украіны. Паводле слоў прэс-сакратара Крамля Дзмітрыя Пяскова, Трамп звярнуўся да Уладзіміра Пуціна з асабістай просьбай устрымацца ад абстрэлаў Кіева і іншых украінскіх гарадоў на працягу тыдня — да 1 лютага. Расійскі бок на гэта пагадзіўся.
Пяскоў адзначыў, што нібыта мэта такой паўзы — стварыць больш спрыяльныя ўмовы для магчымых перамоваў. Пры гэтым ён не ўдакладніў, ці ідзе гаворка толькі пра ўдары па энергетычнай інфраструктуры, ці пра ўсе віды абстрэлаў, сказаўшы, што да ўжо агучанага яму няма чаго дадаць. Не даў ён уцямнага адказу таксама, уваходзіць 1 лютага ў тэрмін мараторыю на ўдары ці не.
На пытанне журналістаў, ці сапраўды Крэмль прыняў прапанову Трампа, Пяскоў адказаў сцвярджальна і падкрэсліў, што гэта быў менавіта асабісты зварот амерыканскага прэзідэнта.
Напярэдадні сам Дональд Трамп публічна расказаў пра сваю просьбу падчас нарады ў Белым доме. Ён растлумачыў яе тым, што ва Украіне стаяць рэкордна нізкія тэмпературы, і абстрэлы ў такіх умовах могуць мець асабліва цяжкія наступствы. Паводле слоў Трампа, Пуцін пагадзіўся, і гэта стала для яго прыемнай нечаканасцю.
Амерыканскі прэзідэнт таксама адзначыў, што многія адгаворвалі яго ад такога звароту, лічачы, што ён не дасць выніку. Аднак, па словах Трампа, просьба была пачутая, і ў ЗША гэтым задаволеныя.
У той жа дзень у шэрагу расійскіх ваенных тэлеграм-каналаў і СМІ з’явіліся паведамленні пра нібыта дасягнутае энергетычнае перамір’е паміж Расіяй і Украінай. Аднак Пяскоў ад каментароў на гэты конт устрымаўся, заявіўшы, што пакуль не можа пацвердзіць або абвергнуць такую інфармацыю.
Зяленскі пацвердзіў дамоўленасці аб «энергетычным перамір’і» з Расіяй
Трамп папрасіў Пуціна на тыдзень спыніць абстрэлы ўкраінскіх гарадоў
Украіна і Расія дамовіліся аб мараторыі на ўдары па аб’ектах энергетыкі — расійскія ваенкары
Расія пачала выкарыстоўваць ва Украіне шахеды, падключаныя да Starlink. Што вядома і чаму гэта небяспечна
Зяленскі: Мы не аддамо Данбаса без бою
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары