Разведка ЗША: Беларусь стала перадавым вайсковым плацдармам Расіі
Паводле дакладу амерыканскай разведкі для Кангрэса ЗША, Беларусь ператварылася ў практычна паўнапраўную частку расійскай вайсковай інфраструктуры ва Усходняй Еўропе. Цяпер Мінск трэба разглядаць не проста як партнёра, а як перадавы вайсковы плацдарм Расіі, што непасрэдна ўплывае на ўсходні фланг НАТА і ўскладняе абарончае планаванне ЗША, паведамляе выданне Army Recognition.
Пачаткам зменаў у гэтым кірунку стаў дазвол Расіі выкарыстоўваць тэрыторыю Беларусі для ўдару па Украіне ў пачатку 2022 года. Пасля гэтага Мінск працягваў адкрываць базы, паветраную прастору і лагістычныя калідоры для расійскіх удараў і перасоўвання войскаў. Гэта дазваляе Маскве скарачаць час рэакцыі, хаваць намеры і падтрымліваць ціск на паўночную Украіну, а таксама ствараць пагрозу для Польшчы, Літвы і Латвіі.
Асаблівую ўвагу ЗША звяртаюць на ядзерны складнік. Беларускія войскі трэніруюць для выкарыстання ракет 9M723 з комплексу Іскандэр-М, якія могуць несці традыцыйныя або тактычныя ядзерныя баявыя часткі. Нават калі ядзерныя галоўкі застаюцца пад кантролем Расіі, інтэграцыя гэтых сістэм у Беларусь змяняе вайсковую сітуацыю ў рэгіёне.
Акрамя таго, Беларусь стала пунктам падтрымкі расійскай сістэмы супрацьдоступу і супрацьдзеяння праз сумесныя сеткі разведкі і СПА. Расійскія сістэмы С-400 і Панцыр-С1 узмацняюць кантроль за паветрам і ахову ключавых аб’ектаў, а расійскія радыёлакацыйныя і камунікацыйныя цэнтры ў Беларусі павышаюць эфектыўнасць ранняга апавяшчэння.
Беларускія ўзброеныя сілы пакуль засяроджаныя на прызыве і тэрытарыяльнай абароне, але маюць тэхніку (танкі T-72B3, баявыя машыны БМП-2, бронетранспарцёры БТР-82A), якая дазваляе падтрымліваць тэрытарыяльную бяспеку і ключавыя маршруты, вызваляючы расійскія сілы для наступальных аперацый.
Паступовая мілітарызацыя краіны падтрымліваецца ўнутранай кансалідацыяй улады, што стабілізуе стратэгічнае саюзніцтва Мінска і Масквы і забяспечвае Расіі працяглы доступ да тэрыторыі Беларусі.
Для ЗША і іх саюзнікаў Беларусь цяпер разглядаецца як ключавы аператыўны элемент расійскага становішча ў Еўропе: плацдарм для пераразмяшчэння войск, база для ўдараў і зона для перадавога ядзернага сігналінгу. Гэта дазваляе Маскве падтрымліваць ціск з многіх кірункаў на Украіну і стварае дадатковую стратэгічную нявызначанасць каля межаў НАТО.
У Беларусь прыбыла новая партыя расійскіх знішчальнікаў
Віцебскі завод радыёдэталяў «Маналіт» вырабляе кампаненты для расійскага ВПК, у тым ліку на абсталяванні з ЕС
З'явілася новае сведчанне пабудовы расіянамі сакрэтнай ядзернай базы ў Асіповічах
Даследчыкі знайшлі месца ў Беларусі, дзе базуецца «Арэшнік»
Вальфовіч: Мы ўпэўненыя, што ў нас ёсць «Арэшнік»
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм16
Каментары