У Латвіі хочуць забараніць грамадзянам Беларусі і Расіі купляць нерухомасць, але з праекта закона да другога чытання знікла агаворка, што выключае з-пад забароны ўладальнікаў атрыманага ў Латвійскай Рэспубліцы статусу пастаяннага жыхара ЕС або пастаяннага дазволу на жыхарства, піша Lsm.
Прадстаўніца Міністэрства юстыцыі Лаўма Паэглькална пацвердзіла:!Згодна з гэтай версіяй закона, у тых, хто ўжо валодае жыллём, яго не будуць адбіраць, але і купіць іншую кватэру або дом яны больш не змогуць. Хаця пэўныя ўдакладненні яшчэ магчымыя».
«Мэта закона дакладна вызначана першым артыкулам закона. А ў анатацыі апісана, чаму заканадаўца вырашыў усталяваць такое абмежаванне на набыццё нерухомасці грамадзянамі Беларусі і Расіі. У першую чаргу гэта звязана з распачатай вайной, ваенным уварваннем РФ ва Украіну, падтрыманага Беларуссю», — паведаміла яна.
Ідзе гаворка пра праект «Закона аб абмежаванні здзелак, што пагражаюць нацыянальнай бяспецы». Сутнасць яго ў тым, што з моманту яго ўступлення ў сілу грамадзяне РФ і Беларусі (а таксама юрыдычныя асобы, дзе ім належыць як мінімум 25% доляў) не змогуць набываць у Латвіі ніякую нерухомасць.
У згаданым артыкуле гаворыцца, у прыватнасці, пра неабходнасць не дапусціць некантралюемы ўплыў на латвійскую эканоміку, да якога можа прывесці канцэнтрацыя грамадзян Расіі і Беларусі і іх капіталу на тэрыторыі Латвіі, не дапусціць выкарыстання капіталу гэтых краін і іх грамадзян супраць інтарэсаў Латвіі і інш.
Цяпер чытаюць
33-гадовы беларускі кікбаксёр-чэмпіён памёр ад рэдкай анкалогіі3
Каментары
Adkrytaja i nieprychavanaja dyskryminacyja, i mety zusim nie tyja, što zajaŭlieny. Vajna dala im toļki "akno mahčymaściaŭ", na vajnu jany ciapier śpišuć usie svaje brudnyja daŭnija mary.
Prymicie da viedama, što adpaviedna statystyčnych dadzienych, koļkaść latyskaha nasieļnictva ŭ Latvii stabiļna skaračajecca...
U hetym i jość sapraŭdnaja nahoda, nie dazvolić zapoŭnić vakuum hramadzianami Bielarusi, jakich jany de-fakta pryraŭniali da rasiejcaŭ praz ich rasiejskamoŭnaść. Voś i ŭsio.