U Łatvii chočuć zabaranić hramadzianam Biełarusi i Rasii kuplać nieruchomaść, ale z prajekta zakona da druhoha čytańnia źnikła ahavorka, što vyklučaje z-pad zabarony ŭładalnikaŭ atrymanaha ŭ Łatvijskaj Respublicy statusu pastajannaha žychara ES abo pastajannaha dazvołu na žycharstva, piša Lsm.
Pradstaŭnica Ministerstva justycyi Łaŭma Paehlkałna paćvierdziła:!Zhodna z hetaj viersijaj zakona, u tych, chto ŭžo vałodaje žyllom, jaho nie buduć adbirać, ale i kupić inšuju kvateru abo dom jany bolš nie zmohuć. Chacia peŭnyja ŭdakładnieńni jašče mahčymyja».
«Meta zakona dakładna vyznačana pieršym artykułam zakona. A ŭ anatacyi apisana, čamu zakanadaŭca vyrašyŭ ustalavać takoje abmiežavańnie na nabyćcio nieruchomaści hramadzianami Biełarusi i Rasii. U pieršuju čarhu heta źviazana z raspačataj vajnoj, vajennym uvarvańniem RF va Ukrainu, padtrymanaha Biełaruśsiu», — paviedamiła jana.
Idzie havorka pra prajekt «Zakona ab abmiežavańni ździełak, što pahražajuć nacyjanalnaj biaśpiecy». Sutnaść jaho ŭ tym, što z momantu jaho ŭstupleńnia ŭ siłu hramadzianie RF i Biełarusi (a taksama jurydyčnyja asoby, dzie im naležyć jak minimum 25% dolaŭ) nie zmohuć nabyvać u Łatvii nijakuju nieruchomaść.
U zhadanym artykule havorycca, u pryvatnaści, pra nieabchodnaść nie dapuścić niekantralujemy ŭpłyŭ na łatvijskuju ekanomiku, da jakoha moža pryvieści kancentracyja hramadzian Rasii i Biełarusi i ich kapitału na terytoryi Łatvii, nie dapuścić vykarystańnia kapitału hetych krain i ich hramadzian suprać intaresaŭ Łatvii i inš.
Biełarus nabyŭ kvateru ŭ Ispanii, ale jaje zaniali akupasy. Ciapier jon nie moža jaje viarnuć44
Kamientary
Adkrytaja i nieprychavanaja dyskryminacyja, i mety zusim nie tyja, što zajaŭlieny. Vajna dala im toļki "akno mahčymaściaŭ", na vajnu jany ciapier śpišuć usie svaje brudnyja daŭnija mary.
Prymicie da viedama, što adpaviedna statystyčnych dadzienych, koļkaść latyskaha nasieļnictva ŭ Latvii stabiļna skaračajecca...
U hetym i jość sapraŭdnaja nahoda, nie dazvolić zapoŭnić vakuum hramadzianami Bielarusi, jakich jany de-fakta pryraŭniali da rasiejcaŭ praz ich rasiejskamoŭnaść. Voś i ŭsio.