Колькасць загінулых у начным клубе ў Дамініканскай Рэспубліцы дасягнула 221
Прычына трагедыі пакуль не вядомая.
Згодна з апублікаваным урадам краіны дакладам, у выніку абрушэння даху ў запоўненым людзьмі начным клубе загінуў як мінімум 221 чалавек. У дакладзе не ўдакладняецца прычына трагедыі, піша Бі-бі-сі.
Чакаецца, што група экспертаў, у тым ліку замежных, вывучыць канструктыўныя заганы будынка.
Трагедыя адбылася ў мінулы аўторак падчас канцэрта спевака ў стылі мерэнге Рубі Перэса. Сам 69-гадовы Перэс таксама загінуў.
У разборы завалаў удзельнічалі 4,5 тыс. чалавек, працы працягваліся 59 гадзін. З-пад завалаў былі выратаваныя 189 чалавек, 17 з іх застаюцца ў бальніцах.
Дакладная колькасць людзей, што знаходзіліся ў будынку ў той вечар, застаецца нявысветленай. Паводле звестак мясцовых СМІ і сайтаў па продажы білетаў, клуб мог умяшчаць ад 700 да 1 тысячы чалавек.
Каментары