1 418 элементаў мастацка-дэкаратыўнага афармлення размесцяць у сталіцы напярэдадні 9 Мая, паведамілі Мінск-навінам на прадпрыемстве «Мінскрэклама».
— Лейтматыў афармлення гэтага года — захаванне гістарычнай памяці пра ролю Савецкай арміі ў перамозе над фашысцкай Германіяй і вызваленні краін Заходняй Еўропы ад акупацыі, — адзначыла начальніца аддзела дызайну прадпрыемства «Мінскрэлама» Таццяна Бугаркова.
— На шляху да Вялікай Перамогі было зроблена 1 418 крокаў — столькі доўгіх дзён цягнулася Вялікая Айчыннай вайна, таму ў год такой знакавай даты вырашылі ўплесці ў канву ўпрыгожвання Мінска менавіта гэтую лічбу. Такая колькасць тэматычных кампазіцый, дызайнерскіх канструкцый і святочных інсталяцый размесціцца на плошчах і праспектах, раённых пляцоўках і ў гарадскіх парках сталіцы.
Кастрычніцкую плошчу ўпрыгожыць габарытная інсталяцыя з чатырох канструкцый, кожная вышынёй у 12 метраў. На ёй размесцяцца фота прасоўвання 1-га, 2-га і 3-га Беларускага франтоў, а таксама 1-га Прыбалтыйскага фронту.
Плошчу Незалежнасці ўпрыгожыць святочная кампазіцыя, а фасад Педагагічнага ўніверсітэта традыцыйна — 40-метровае тканінавае пано, выкананае ў ручной тэхніцы.
— Сёлета пано ва ўсіх адценнях чырвонага і залатога, што сімвалізуюць колеры Вялікай Перамогі, — удакладніла Т. Бугаркова. — Асноўнымі акцэнтамі стануць ордэн Айчыннай вайны, бутаньерка — яблыневая кветка щ абрамленні чырвона-зялёнай стужкі і фрагмент стылізаванага сцяга Перамогі. На праспекце Пераможцаў будзе экспазіцыя плакатаў, паштовак і марак савецкага часу, прысвечаных Вялікай Перамозе.
Святочныя канструкцыі з’явяцца каля гарадской ратушы, на плошчы Дзяржаўнага сцяга, побач з універмагам «Беларусь».
Лагатыпам 9 Мая 2025-га стане акцэнтная пяціканцовая зорка, контур якой аплятаюць стужкі ў колерах дзяржаўнай геральдыкі. У цэнтры — выгравіраваная золатам святочная дата, а на пярэднім плане — сімвалічная выява манумента Перамогі.
Шматлікія святочныя фотазоны арганізуюць на гарадскіх пляцоўках: сюжэтную «Песні пра вайну» — каля Камароўскага рынку, аб’ёмную з выявамі родаў войскаў Чырвонай Арміі — на плошчы Я. Коласа, з афішамі і фотадакументамі фільмаў пра вайну — каля кінатэатра «Перамога».
Цяпер чытаюць
Лукашэнку пасадзілі на Парадзе ў Маскве з Пашынянам, а Сі Цзіньпіна з Пуціным27
Лукашэнку пасадзілі на Парадзе ў Маскве з Пашынянам, а Сі Цзіньпіна з Пуціным
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1515
Каментары
Пакажыце сіпатай крамлёўскай пачварэ, што ён па-за народам.