На літоўска-беларускай мяжы затрымалі мужчыну на машыне са змененым VIN-нумарам
Пры ўездзе з Літвы ў Беларусь праз пункт пропуску «Каменны Лог» 20 красавіка з-за праблем з транспартным сродкам затрымалі грамадзяніна Беларусі, паведамляе Дзяржаўны пагранічны камітэт.
Паводле інфармацыі ведамства, памежны нарад вызначыў, што ідэнтыфікацыйны нумар кузава мікрааўтобуса «Фольксваген», на якім ехаў мужчына, «мае прыкметы змены».
Апублікаваныя Дзяржпагранкамітэтам фатаграфіі сведчаць, што на мікрааўтобусе былі рэгістрацыйныя нумарныя знакі Казахстана.
Кіроўца паведаміў, што «машыну пераганяў праз мяжу па просьбе знаёмага і павінен быў пакінуць яе на паркоўцы». Каму належыць транспарт, мужчына, як ён сцвярджае, не ведаў, гэтак жа сама не здагадваўся ён і пра праблемы з VIN-нумарам.
Цяпер мікрааўтобус канфіскаваны памежнікамі, у дачыненні да кіроўцы распачатая праверка.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам30
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары