Толькі ў адным раёне Беларусі ў лясы можна хадзіць без абмежаванняў
Толькі адзін раён у Беларусі на гэты момат не ўвёў абмежаванняў і забарон на наведванне лясоў, вынікае з інтэрактыўнай карты Мінлясгаса на сайце ведамства. Гэты раён — Лунінецкі ў Брэсцкай вобласці.
Скрыншот з сайта Міністэрства лясной гаспадаркі
Таксама на мапе ёсць толькі адзін раён, пазначаны чырвоным колерам, што сведчыць пра забарону паходаў у лес. Гэта — Хойніцкі на Гомельшчыне.
Усе астатнія раёны шасці абласцей краіны пазначаныя жоўтым колерам: у прынцыпе ў лес хадзіць можна, але з шэрагам абмежаванняў.
Пры увядзенні абмежаванняў пехам у лес заходзіць можна, аднак забаронена заязджаць у яго на аўтамабілі. Таксама ў лясах нельга разводзіць вогнішчы і праводзіць масавыя мерапрыемствы — напрыклад, турыстычныя злёты і калектыўныя выезды з палаткамі.
Каментары