З 1 сакавіка ў большасці беларускіх абласцей пачне дзейнічаць забарона на лоўлю шчупакоў. Як паведамілі ў Дзяржаўнай інспекцыі аховы жывёльнага і расліннага свету, абмежаванне будзе дзейнічаць да 15 красавіка і звязана з пачаткам веснавога нерасту.
У гэты перыяд рыба асабліва ўразлівая, таму яе вылаў можа нанесці шкоду папуляцыі.
Забарона з 1 сакавіка да 15 красавіка распаўсюджваецца на Брэсцкую, Гомельскую, Гродзенскую, Магілёўскую і Мінскую вобласці. У Віцебскай вобласці тэрміны крыху іншыя — з 9 сакавіка да 23 красавіка.
Калі шчупак выпадкова трапіць у сетку ці на кручок падчас забароны, яго неабходна неадкладна адпусціць у тую ж ваду, дзе ён быў злоўлены.
За парушэнне правіл прадугледжваецца адміністрацыйная адказнасць. Сумы штрафу складаюць ад 10 да 30 базавых адзінак, што эквівалентна суме ад 450 да 1350 рублёў.
Цяпер чытаюць
«Паездкай мы задаволеныя, але сівых валасоў дадалося». Жыхарка Светлагорска адпачнула ў Геленджыку і дзеліцца эмоцыямі6
«Паездкай мы задаволеныя, але сівых валасоў дадалося». Жыхарка Светлагорска адпачнула ў Геленджыку і дзеліцца эмоцыямі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары