23 лютага акцыі IBM абваліліся на 13,2% — гэта найбуйнейшае аднадзённае падзенне кампаніі з кастрычніка 2000 года. Прычынай стала заява Anthropic аб тым, што Claude Code здольны мадэрнізаваць састарэлыя сістэмы на мове COBOL — ключавым кірунку бізнэсу IBM, піша dev.by.
У блогу Anthropic гаворыцца, што Claude Code можа аўтаматызаваць «этапы аналізу і вывучэння, якія займаюць асноўную частку намаганняў пры мадэрнізацыі COBOL».
COBOL (Common Business-Oriented Language), распрацаваны ў канцы 1950‑х гадоў, дагэтуль шырока выкарыстоўваецца. Паводле даных Anthropic, каля 95% аперацый банкаматаў у ЗША апрацоўваюцца з выкарыстаннем COBOL.
Мадэрнізацыя такіх сістэм традыцыйна патрабавала «сціжмы кансультантаў і ручнога аналізу», аднак інструменты ШІ, як сцвярджае кампанія, здольныя «перакуліць эканоміку працэсу».
Інвестары ўспрынялі заяву Anthropic як пагрозу бізнесу IBM, якая гістарычна зарабляе на падтрымцы і мадэрнізацыі састарэлых сістэм. На фоне распродажу акцыі кампаніі знізіліся больш чым на 24% з пачатку года.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?14
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
Адкуль дадзеныя для трэніроўкі? ;)