Брэсцкага рэстаратара будуць завочна судзіць за ўхіленне ад падаткаў
Следчы камітэт 25 красавіка адкрыў спецвытворчасць у дачыненні да брэсцкага рэстаратара Кірыла Борахава. Прадпрымальніку выставілі абвінавачванне па ч. 2 арт. 243 КК (Ухіленне ад выплаты падаткаў у буйным памеры).
Абвінавачанаму прапанавалі з'явіцца ва ўпраўленне Следчага камітэта па Мінску. Санкцыя артыкула прадугледжвае да сямі гадоў пазбаўлення волі.
Выданне «Люстэрка» згадвае, што Кірыл Борахаў у свой час адкрыў першы ў Брэсце караоке-клуб «Сола», затым гастро-бар Korova, бар «Мір», сямейную кавярню Mario, дастаўку ежы «Тук-тук». Ён таксама развіваў фастфуд у Мінску і Маскве.
На фоне падзей 2020 года ў Кірыла Борахава ўзніклі праблемы на радзіме. Ягоны гастра-бар Korova некаторы час быў зачынены, а пазней змяніў ўладальніка. Як пісалі СМІ, новым гаспадаром стаў прадпрымальнік Павел Вакульчык — траюрадны брат былога кіраўніка КДБ і цяперашняга памочніка Аляксандра Лукашэнкі па Брэсцкай вобласці Валерыя Вакульчыка.
«Ранейшы саўладальнік быў вымушаны пакінуць краіну і прадаць ўстанову. Так, менавіта прадаць, і менавіта былыя ўладальнікі звярнуліся з гэтай прапановай да новага дырэктара. Калі б гэтая ўгода не адбылася, грыль-бара «карова» ўжо не існавала б, маёмасць была б арыштаваная за даўгі і штрафы ранейшага ўладальніка», — расказалі ў снежні 2020 года брэсцкаму часопісу «Бинокль» прадстаўнікі экс-Korova.
У 2022 годзе на месцы Korova зарэгістравалі новую ўстанову — бар «Каза». Сам Кірыл Борахаў быў вымушаны выехаць з Беларусі.
-
Беларус з праблемамі з псіхікай стаў у Расіі намінальным дырэктарам. А як справа накрылася, забралі на фронт — у адзін канец
-
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
-
«Кіберпартызаны» і група Silent Crow заявілі пра ўзлом Расстата і атрыманне даных пра ваенныя страты
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары