У студзені—лютым 2025 года на Віцебшчыне ў цэлым сітуацыя з чыстым прыбыткам арганізацый застаецца адмоўнай — сукупны страты па вобласці склалі 64,2 млн рублёў. На гэтую статыстыку звярнуў увагу тэлеграм-канал «Віцебск, я гуляю».
Пры гэтым у некаторых гарадах і раёнах Віцебскай вобласці страты працягваюць расці: Наваполацк: мінус 294,3 млн рублёў; Бешанковіцкі раён: мінус 0,5 млн рублёў; Шумілінскі раён: мінус 0,4 млн рублёў.
У Мёрскім раёне з яго металургічным заводам па выніках студзеня—лютага 2025 года з'явіўся невялікі плюс (6,5 млн рублёў) супраць страт год таму, а ў шэрагу іншых раёнаў рост прыбытку адбыўся ў разы (напрыклад, у Глыбоцкім раёне з яго перапрацоўкай малака прыбытак вырас амаль у 5 разоў).
Нягледзячы на паляпшэнне сітуацыі ў асобных раёнах, буйны мінус Наваполацка па-ранейшаму «цягне» ўсю вобласць у зону страт.
Вялізныя страты прадпрыемстваў Наваполацка могуць тлумачацца толькі нягоднымі вынікамі працы нафтаперапрацоўчага завода «Нафтан» — горадаўтваральнага прадпрыемства Наваполацка. Санкцыі супраць беларускай нафтахіміі ператварылі гэтую курыцу, якая несла залатыя яйкі, у стратную сферу.
Цяпер чытаюць
Мальдывы, Занзібар і Італія: куды панесла адпачываць прыхільнікаў Лукашэнкі13
Каментары