Падлетак атрымаў траўму і псіхічнае расстройства, адмовіўшыся пакурыць. Гэта стала вядома праз 11 гадоў
Гісторыя, пра якую расказалі ў пракуратуры Гомельскай вобласці, адбылася ў Светлагорскім раёне ажно ў маі 2014 года. Аднак толькі цяпер высветлілася, як на сённяшні дзень ужо 27-гадовы хлопец атрымаў траўму галавы.
11 гадоў таму падлетак быў у кампаніі, дзе ягоны знаёмы прапанаваў яму закурыць. Пасля атрымання адмовы той ударыў хлопца па галаве.
Праз некалькі дзён стан пацярпелага пагоршыўся. У бальніцы яму дыягнаставалі чэрапна-мазгавую траўму і зрабілі аперацыю.
Міліцэйская праверка тады не выявіла складу злачынства ў тым, што адбылося, а сам хлопец запэўніваў, што проста ўпаў. І толькі праз 10 гадоў ён прызнаўся маці, што траўму яму прычыніў знаёмы. Жанчына пайшла ў міліцыю.
У сувязі з наноў адкрытымі абставінамі распачалі крымінальную справу. Высветлілася, што хлопец цяпер пакутуе на псіхічнае расстройства менавіта праз удар па галаве.
Адбыўся суд. Абвінавачаны атрымаў тры гады «хатняй хіміі». Ён таксама павінен выплаціць пацярпеламу 15 тысяч рублёў.
Цяпер чытаюць
Лукашэнка апраўдваецца за ідэю з прыездам 150 тысяч пакістанцаў — гэта, каб «захаваць наш народ»29
Каментары
его
1) (личное) яго
по его мнению — на яго думку
у него гости — у яго госці
я вижу его — я бачу яго
2) (притяжательное) яго, ягоны
его дом — яго (ягоны) дом