На частаце 96.2 FM у Мінску пачала вяшчанне радыёстанцыя «Радыё Перамога», паведамляе Мінінфарм.
Праект запусціў выдавецкі дом «Беларусь сёння». На хвалях радыё будуць гучаць песні ваенных гадоў і вядомыя мелодыі. Гэта падзея прымеркавана да 80-годдзя Вялікай Перамогі — галоўнага сімвала незалежнасці суверэннай краіны і перамогі савецкага народа над фашызмам.
− У эфіры вы пачуеце песні ваенных гадоў, франтавыя зводкі, агучаныя голасам легендарнага Юрыя Левітана, і гісторыі людзей, якія мужна змагаліся, жылі, спадзяваліся і ў выніку здабылі Вялікую Перамогу — гераічную, аплачаную цаной мільёнаў чалавечых жыццяў, − гаворыцца ў рэлізе. − Сярод выканаўцаў песень такія знакавыя імёны, як Леанід Уцёсаў, Клаўдзія Шульжэнка, Марк Бернес, Іосіф Кабзон, гурт «Песняры» і іншыя.
Афіцыйны сайт радыёстанцыі — www.radiopobeda.by.
Цяпер чытаюць
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая31
Каментары