Моцна затрымліваюцца аўтобусы, што едуць з Польшчы і Літвы ў Беларусь
Пра гэта паведамляе ў сваім тэлеграм-канале «Мінсктранс».
Так, аўтобус Варшава — Мінск (нумар АН8303-7), які меўся адправіцца са сталіцы Польшчы а 7-й раніцы, адправіцца толькі а 12-й.
А аўтобус Вільня — Мінск адпраўленнем а 8-й раніцы са сталіцы Літвы, выехаў у бок Вільні з літоўскай мяжы толькі ў 10:16.
У абодвух выпадках прычына спазненняў — доўгае праходжанне межаў.
Тым часам на памежным пераходзе «Брэст» на польскай мяжы па стане на 6-ю раніцу стаяла 1735 легкавых аўтамабіляў і 60 аўтобусаў.
На літоўскай мяжы ў «Каменным Логу» стаіць 70 легкавікоў, у «Беняконях» чаргі няма.
Каментары