Грамадства66

Лукашэнка выкрыў «жулікаватыя схемы» на прадпрыемстве Цяцерына

Сёння на нарадзе па развіцці пацярпелых ад катастрофы на ЧАЭС раёнаў Аляксандр Лукашэнка выказаў шэраг нараканняў па працы ва ўсходніх рэгіёнах Беларусі. Высновы былі зробленыя ў тым ліку па выніках ягоных нядаўніх працоўных паездак.

Аляксандр Лукашэнка разам з Сяргеем Цяцерыным адзначаюць перамогу тэнісісткі Арыны Сабаленкі, 2023 год. Фота: скрыншот з відэа

«У нас хапае на захадзе праблем, але не столькі, колькі на Усходзе. Разбасячыліся — далей няма куды. Я вось пабываў у Віцебскай вобласці. Дзе б я ні быў, даручыў: давайце сур'ёзна праверым пасля маёй паездкі. Куча пытанняў», — канстатаваў Лукашэнка, якога цытуе яго прэс-служба.

У якасці прыкладу ён прывёў наведванне ў Копысі сыраробнай вытворчасці — прадпрыемства, якое належыць ТАА «Мілккоп Старт» Сяргея Цяцерына:

«10-15 гадоў таму пабудавалі, добрае прадпрыемства і абсталяванне сучаснае. Бяры малако, перапрацоўвай, сыры прадавай. Вунь у Расіі з рукамі, з нагамі [забіраюць]. Зарабляйце грошы. Дык яны ж мне ў адкрытую хлусяць. Пытаюся, а колькі можаце перапрацаваць? — 200 тон. А перапрацоўвае 60.

Ды нічога падобнага! Там былі жулікаватыя схемы. Не 60 перапрацуюць там, а дзве тоны за суткі. А астатняе малако, што атрымлівалі, перапрадавалі і на гэтым зараблялі. Гэта як называецца? Ну гэта мы ў найбліжэйшы час разбярэмся», — паабяцаў Лукашэнка.

Сваю латыфундыю на Аршаншчыне Сяргей Цяцерын пачаў ствараць у 2018 годзе пад ціскам Лукашэнкі. Для галаўной сядзібы прыдворны бізнэсмен абраў вёску Хімы Аршанскага раёна. Яна знаходзіцца за некалькіх кіламетраў ад Копысі і вёскі Александрыя Шклоўскага раёна на другім беразе Дняпра, адкуль паходзіць род Лукашэнкі і дзе ён сам правёў сваё дзяцінства. 

Цяцерын некалькі гадоў скупляў у гэтай мясцовасці ўчасткі «для вядзення сялянскай (фермерскай) гаспадаркі». Агульная плошча зямлі, якая цяпер у ягоным кіраванні — прыкладна 29 гектараў.

Але выглядае, што Цяцерыну цяпер надакучыла займацца сыраробствам (калі ўвогуле хоць калі гэта і так падабалася), і няпрофільны актыў ён хацеў бы скінуць на дзяржаву. Гэта вынікае з апублікаванага прэс-службай Лукашэнкі відэа ягонай размовы са сваімі чыноўнікамі, якая не ўвайшла ў афіцыйны прэс-рэліз.

«Ну а па гэтым сырзаводзе прынцыпова разбірайся. Калі не спраўляецца — філіялам да Шклоўскага завода, там можна зрабіць. Ты ж бачыш, што там шыкоўнае прадпрыемства», — звярнуўся Лукашэнка да свайго кіраўніка спраў Юрыя Назарава.

Каментары6

  • даведка
    25.04.2025
    Уже второго по счёту помощника по Витебской области понизил до первого зама председателя облисполкома по сельскому хозяйству и продовольствию, а Брыло вообще посадил в СИЗО. Эта родина Лукашенко, Косинца, Кочановой, Сергеенко первая в стране по воровству и припискам (прививок, скота, молока, сыров...)...
  • Ёсік
    25.04.2025
    Ужо 30 гадоў усіх выкрывае, лаецца на іх, А наролцу гэтае даспадобы. Колькі ведаю старых, якія аргазмуюць ад яго сьпектакляў. Шмат, хто рагоча, але і фанатаў - Сашка, давай - не зьмяншаецца.
  • Тэкля
    25.04.2025
    Жэстачайшэ

Цяпер чытаюць

Крымскі мост зруйнаваны ўдарам украінскіх ракет

Усе навіны →
Усе навіны

Па Мазыры панесліся чуткі пра маньяка і серыйныя забойствы. А што напраўду?

18‑гадовы аргенцінскі футбаліст памёр пасля прылёту мяча ў галаву1

Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі21

Беёнсэ стала першай артысткай, якую намінавалі на «Грэмі» 100 разоў1

Расійскі хакеіст, які амаль усю кар'еру гуляў у Беларусі, пайшоў заваёўваць Украіну і загінуў1

30‑гадовы блогер Максім Пушкін зрабіў другую перасадку валасоў. Колькі заплаціў?16

Зніклага расійскага Z-ваенкара Раманава маглі абвінаваціць у дзяржздрадзе5

Па справе абразы доктаркай жанчыны з інваліднасцю на яе працы праводзяць праверку6

Жанчына набыла цукеркі «Бутэлечкі», у якіх усярэдзіне не было лікёру. Чаму так?5

больш чытаных навін
больш лайканых навін

Крымскі мост зруйнаваны ўдарам украінскіх ракет40

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць