Хто выступіць на «Славянскім базары» і колькі каштуюць квіткі

Хоць афіцыйны старт музычнага форуму намечаны на 16 ліпеня, фестывальная праграма пачнецца раней — з 14-га.

У гэты дзень на новай пляцоўцы фестывалю — у Цэнтральным спартыўным комплексе — адбудзецца трохгадзінны рок-канцэрт.

Сярод удзельнікаў ужо заяўлены «Чиж&Co» і Пётр Ялфімаў. Імя яшчэ аднаго артыста пакуль трымаецца ў сакрэце. Квіткі на рокераў каштуюць ад 150 да 190 рублёў.

На наступны дзень, 15 ліпеня, на гэтай жа пляцоўцы выступіць Алег Газманаў. Квіткі на канцэрт «есаула» абыдуцца ў 100—160 рублёў.

Таксама 15 ліпеня ў канцэртнай зале «Віцебск» выступіць Таісія Павалій. Наступным вечарам там жа пройдзе канцэрт Дзяніса Майданава. Цэны квіткоў на іх канцэрты — 70—120 рублёў.

Афіцыйнае адкрыццё фестывалю пройдзе 16 ліпеня ў 19:30 у Летнім амфітэатры. Гэта традыцыйна самы маштабны канцэрт, дзе на адной сцэне збіраецца шмат вядомых артыстаў.

Імёны ўдзельнікаў пакуль не раскрываюць, затое вядомы кошт квіткоў — ад 95 да 290 рублёў.

Позна ўвечары ў Цэнтральным спартыўным комплексе адбудзецца дыскатэка «Танцпляцоўка» з удзелам Таццяны Буланавай, гурта «Отпетые мошенники» і іншых зорак 90-х. Квіткі каштуюць ад 100 да 160 рублёў.

Там жа, але ўжо ўвечары наступнага дня выступіць Уладзімір Прэснякоў. Квіткі на яго шоу каштуюць ад 150 да 190 рублёў.

У гэты ж дзень у Летнім амфітэатры пройдзе гала-канцэрт «Саюзная дзяржава запрашае…». Імёны ўдзельнікаў пакуль не вядомыя, а вось квіткі абыдуцца ў 45—150 рублёў.

У ноч на 18 ліпеня адбудзецца дыскатэка «Залаты хіт». На сцэну выйдуць «На-На», «Балаган Лимитед», «Дискомафия», «Цветы», «Верасы» і іншыя артысты. Квіткі — ад 55 да 190 рублёў.

Гэтай жа ноччу, але ў Цэнтральным спартыўным комплексе пройдзе яшчэ адна дыскатэка — «Рытмы лета». Яе хэдлайнерамі стануць Акмаль і Алег Маямі. Квіткі туды каштуюць 150—190 рублёў.

Першы дзень конкурсу эстраднай песні «Віцебск» запланаваны на 18 ліпеня. У другім аддзяленні канцэрта выступіць Ані Лорак. Патрапіць на гэта шоу можна, заплаціўшы ад 50 да 175 рублёў.

У гэты ж дзень на пляцоўцы Цэнтральнага спартыўнага комплексу дасць канцэрт Грыгорый Лепс. Паслухаць яго хіты можна за 150—190 рублёў.

Закрыццё фестывалю і фінал конкурсу выканаўцаў пройдуць 19 ліпеня. Хто менавіта выйдзе на сцэну, пакуль не паведамляецца, але квіткі абыдуцца публіцы ў 75—230 рублёў.

У той жа дзень у канцэртнай зале «Віцебск» адбудуцца два сольныя канцэрты. Днём выступіць Аляксандр Малінін, а ўвечары — Ірына Круг. Квіткі каштуюць ад 90 да 150 рублёў.

Пад заслону «Славянскага базару» канцэртную праграму прадставіць Яраслаў Сумішэўскі. Ён выступіць у КЗ «Віцебск» 20 ліпеня. Цана квіткоў такая ж, як на Малініна і Круг.

Апошнім канцэртам фестывалю стане «Шансон ТБ — усе зоркі». Ён пройдзе ў летнім амфітэатры. Імёны артыстаў пакуль не раскрытыя, затое вядомая цана квіткоў — ад 55 да 190 рублёў.

• 1
• 1
• 1
• 2
• 0
• 1
• 3
• 0