Міністэрства антыманапольнага рэгулявання і гандлю папярэдзіла Беларускую чыгунку пра парушэнні, якія яна дапускае пры продажы квіткоў.
Як сцвярджае МАРГ, Беларуская чыгунка ўводзіла неабгрунтаваныя абмежаванні на куплю месцаў у цягніках міжрэгіянальных і рэгіянальных ліній бізнэс-класа. У прыватнасці, абмяжоўвалася колькасць білетаў да або ад прамежкавых станцый, а таксама скарачаўся тэрмін папярэдняга продажу.
Напрыклад, за 45 сутак да адпраўлення нельга было купіць квіток да Бабруйска на цягнік Мінск — Гомель, хоць квіткі да канцавай станцыі (Гомеля) у гэты ж час былі даступныя. Часам квіткі да прамежкавых станцый з’яўляліся толькі за дзень або менш да адпраўлення.
МАРГ адзначыў, што ў такіх дзеяннях ёсць прыкметы парушэння заканадаўства аб натуральных манаполіях.
У выніку БЧ павінна адмяніць гэтыя абмежаванні і прывесці продаж квіткоў у адпаведнасць з законам.
На святы Беларуская чыгунка прызначыць больш за 40 дадатковых цягнікоў
Беларуска просіць чыгунку зрабіць жаночыя купэ — яна нарвалася ў дарозе на сэксуальна заклапочанага мужчыну
Белчыгунка аднавіла рух яшчэ 14 цягнікоў Stadler па маршруце Мінск — Беларусь
Грузавыя цягнікі ў кірунку Оршы пусцілі ў абыход Мінска
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне14
Каментары