Грамадства88

Блытаніна ў спісах вызваленых палітвязняў: выйшаў іншы Махнач, замест Наважылава адпусцілі Наважанцава

Праваабаронцы расказалі пра блытаніну ў спісах вызваленых 19 сакавіка палітвязняў: некаторыя людзі, якіх чакалі на волі, засталіся ў калоніях, а выйшлі іншыя вязні з падобнымі прозвішчамі.

Так, у першапачатковых спісах значыўся фігурант «справы Гаюна» Аляксандр Махнач — аднак на волю ён не так і не выйшаў. Затое на волі аказаўся палітзняволены Уладзімір Махнач, які быў асуджаны па шэрагу артыкулаў да 4,5 гадоў пазбаўлення волі, піша «Вясна». 

38‑гадовы Аляксандр Махнач быў асуджаны па «справе Гаюна». Яму інкрымінавалі заклікі да дзеянняў, накіраваных на прычыненне шкоды нацыянальнай бяспецы, а таксама садзейнічанне экстрэмісцкай дзейнасці. Паводле рашэння суда ад 22 кастрычніка 2025 года, ён атрымаў 4 гады пазбаўлення волі ў калоніі ва ўмовах узмоцненага рэжыму. Ён унесены ў афіцыйныя спісы «тэрарыстаў» і «экстрэмістаў».

48‑гадовы Уладзімір Махнач быў асуджаны за абразу Лукашэнкі, а таксама за распальванне сацыяльнай варожасці. 29 кастрычніка 2024 года яму прызначылі пакаранне ў выглядзе 4 гадоў і 6 месяцаў пазбаўлення волі ў калоніі агульнага рэжыму разам са штрафам у 500 базавых велічынь. Уключаны ў спісы «тэрарыстаў» і «экстрэмістаў».

Падобная сітуацыя адбылася і з палітзняволеным журналістам Дзмітрыем Наважылавым, які быў у першапачатковых спісах на вызваленне, але з калоніі так і не выйшаў.

Затое на волі апынуўся палітвязень Уладзіслаў Наважанцаў, якога не было ў спісах памілаваных.

Дзмітрый Наважылаў (53 гады), былы дырэктар інфармацыйнага агенцтва БелаПАН, быў асуджаны па гучнай «справе БелаПАН» за ўдзел у экстрэмісцкім фармаванні і нібыта за ўхіленне ад выплаты падаткаў. Яго асудзілі да 6 гадоў калоніі. 

Уладзіслаў Наважанцаў (44 гады) быў асуджаны ў Гомельскім абласным судзе за распальванне сацыяльнай варожасці, а таксама за абразу прадстаўніка ўлады і Лукашэнкі. У кастрычніку 2023 года яму прызначылі пакаранне ў выглядзе пазбаўлення волі ў калоніі агульнага рэжыму — тэрмін дакладна невядомы. 19 сакавіка 2026 года ён выйшаў на волю ў межах памілавання 250 палітвязняў пасля візіту ў Мінск амерыканскага спецпасланніка Джона Коўла.

Каментары8

  • Здзек
    07.04.2026
    Не, гэта дакладна не блытаніна
  • імя
    07.04.2026
    Не блытаніна, а безадказная праца
  • Праходзіў побач
    07.04.2026
    Anatol Starkou, каб цябе трампаўскія міграцыйныя патрулі забралі, дурны дзед.

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Перастаў працаваць паблік «Беларуская турма» ў сацыяльнай сетцы «УКантакце»1

Пальчыс адказаў на прэтэнзію — «чаму народ вадзілі па праспектах» у 2020‑м61

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?43

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

«На 90% падтрымалі настаўнікі, а аднакласнікі не ацанілі». Дзяўчына расказала, як перайшла на беларускую мову20

У Гродзенскім заапарку нарадзілася дзіцяня міні-аленя — яго выратавала каза4

Сузаснавальнік Telegram Мікалай Дураў упершыню ажаніўся. Яго жонка можа быць звязаная з расійскімі спецслужбамі18

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?2

Памерла партызанка Клаўдзія Сяргеева. Ёй было 98 гадоў4

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць