Вакцына ад алергіі на катоў знаходзіцца на стадыі падрыхтоўкі да клінічных выпрабаванняў на людзях, паведамілі ў прэс-службе Сечанаўскага ўніверсітэта ў Маскве. Распрацоўкай вакцыны займалася каманда ягоных навукоўцаў сумесна з Венскім медыцынскім універсітэтам.
«Па выніках даследавання навукоўцы адабралі два найбольш перспектыўныя варыянты канструкцыі вакцыны. Цяпер распрацоўка знаходзіцца на стадыі падрыхтоўкі да клінічных выпрабаванняў на людзях», — расказалі ва ўніверсітэце.
Там удакладнілі, што алергія на катоў — гэта адна з самых распаўсюджаных формаў рэспіраторнай алергіі ў свеце.
Па розных ацэнках ад рыніту, астмы, кан'юктывіту і дэрматыту, выкліканых кантактамі з кацінымі алергенамі, могуць пакутаваць да 25% усіх людзей. Ключавыя алергены — бялкі Fel d1, Fel d4, і Fel d7, якія выдзяляюцца сліннымі і сальнымі залозамі кошкі.
«Таксама аказалася, што антыцелы да новай вакцыны часткова душаць рэакцыю на асноўны алерген сабак Can f1 і алерген коней Equ c1. Гэта пашырае магчымасці прымянення вакцыны», — дадалі ва ўстанове.
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове22
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове2
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары