У В'етнаме каралеву прыгажосці арыштавалі за падман з цукеркамі
В'етнамскія папулярную мадэль і папулярнага блогера судзяць за махлярства.
Яшчэ нядаўна 27-гадовая Нгуен Тхук Тхуй Цьен (Nguyen Thuc Thuy Tien), пераможца конкурсу прыгажосці «Miss Grand International 2021» у Бангкоку і зорка сацсетак, была вельмі запатрабаваная сярод в’етнамскіх брэндаў.
Дзяўчына ўдзельнічала ў некалькіх рэаліці-шоу і атрымала ганаровыя граматы ад прэм'ер-міністра і кіруючай Камуністычнай партыі В'етнама. Цяпер яна апынулася ў цэнтры гучнага скандалу.
Нгуен Тхук разам з іншымі блогерамі — Фам Куанг Лінем (Pham Quang Linh) і Ханг Зу Мук (Hang Du Muc) праз свае сацыяльныя сеткі прасоўвала жавальныя цукеркі пад назвай Kera Supergreens Gummies, створаныя ў межах супольнага праекта. Рэклама абвяшчала, што кожная цукерка змяшчае колькасць клятчаткі, роўную порцыі гародніны.
Як паведамляе BBC, скандал разгарэўся пасля таго, як адзін з купцоў даслаў прадукт на лабараторнае даследаванне. Аналіз паказаў, што ў кожнай цукерцы змяшчаецца ўсяго 16 міліграм клятчаткі, а не 200 міліграм, як заяўлялі вытворцы.
Затым улады пачалі ўласнае расследаванне, падчас якога было ўстаноўлена, што пры вытворчасці жавальных цукерак выкарыстоўваліся няякасныя інгрэдыенты з нізкім утрыманнем клятчаткі.
Упакоўка прадукту не змяшчала інфармацыі пра яго склад, што дало магчымасць вытворцам схаваць не толькі нізкае ўтрыманне клятчаткі, але і высокі ўзровень сарбіту — рэчыва, якое выкарыстоўваецца ў слабіцельных сродках.
У сакавіку Нгуен, Фам і Ханг былі аштрафаваныя і прынеслі публічныя прабачэнні. Але ўлады не пакінулі на гэтым справу — у красавіку былі арыштаваны Фам Куанг Лінь і Ханг Зу Мук а таксама шэраг адказных супрацоўнікаў, звязаных з вытворчасцю і продажам фальсіфікаванай прадукцыі.
Ім былі выстаўленыя абвінавачанні ў вытворчасці падробленай прадукцыі і падмане спажыўцоў. У панядзелак стала вядома аб затрыманні Нгуен Тхук Тхуй Цьен па аналагічных абвінавачаннях у махлярстве. У яе дома быў правялі ператрус.
В'етнамскія СМІ паведамляюць, што да спынення продажу з-за скандалу прадалі больш за 135 тысяч упаковак цукерак.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2020
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс20
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5555
Каментары