Гуджэроці: Лукашэнка запэўніў мяне, што візіт Папы Льва XIV пайшоў бы на карысць беларускаму народу
Пра гэта кардынал Гуджэроці расказаў у інтэрв'ю «Ватыканскім навінам».
«Лукашэнка запэўніў мяне, што, на яго погляд, візіт Папы пайшоў бы на карысць беларускаму народу і што ён зробіць усё магчымае, каб гэта адбылося. Такім чынам, ёсць сапраўдны інтарэс. Відавочна, патрабуецца пасрэдніцтва і абмеркаванне: як гэта будзе адбывацца, цяжка прыдумаць звонку.
Папа ніколі не паедзе ў месца, дзе яго прыезд створыць падзел. Гэта святы прынцып: Папа едзе туды, дзе народ можа атрымаць карысць, а не для таго, каб распальваць супрацьстаянне [раней лічылася, што Папа не можа наведваць краіны пад юрысдыкцыяй РПЦ — НН]. Трэба стварыць умовы, каб усе былі перакананыя ў аб'ектыўнай каштоўнасці візіту на карысць народа, а не для нейкай адной «званіцы». Гэта праца, якую трэба зрабіць. Ці будзе поспех адразу ці заўтра? Мы не ведаем», — сказаў кардынал.
«У мае часы ішла гаворка пра візіт Папы ў Беларусь разам з патрыярхам Маскоўскім; тады гэта было немагчыма. Потым патрыярх Маскоўскі і Папа сустрэліся ў іншым месцы. Хто б мог падумаць пра такое? Сіла мары павінна стаць крыніцай нашай адвагі: нельга вечна ўзважваць імавернасці і магчымасці, трэба дзейнічаць», — дадаў ён
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку27
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары
Папа для паездкі чакае згоду прадстаўнікоў самай буйной канфесіі, калі гэта не каталікі. Відавочна, што РПЦ звычайна супраць - таму і не едзе, каб не чыніць падзелаў і спрэчак. Яну Паўлу 2 у 2001 атрымалася быць ва Ўкраіне, бо УПЦ МП былі за.
Але як бачым, многія беларусы далей знаходзяцца ў палоне камуністычных савецкіх, а затым лукашэнкаўскіх і расейскіх кодаў. Таму для іх адзіны анагал зла - Гітлер. Але "роднае" савецкае баяцца прыгадаць, каб не абразіць.