Пяткевіч прыйшла да Лукашэнкі ў пінжаку люксавага амерыканскага брэнда
Наталля Пяткевіч не лічыць патрэбным хаваць сваю любоў да заходніх элітных брэндаў нават ад Лукашэнкі, які рэгулярна іх крытыкуе. Імаверна, разлік на тое, што састарэлы палітык не адрозніць пінжак амерыканскіх дызайнерак ад элемаўскага.
Сёння стала вядома, што Наталля Пяткевіч прызначана віцэ-прэм'ерам па сацыяльных пытаннях. Яна відавочна прэтэндуе і на званне самай моднай беларускай чыноўніцы.
У гэты раз Наталля для афіцыйнага мерапрыемства ў Лукашэнкі выбрала пінжак амерыканскага прэміум-брэнда Veronica Beard.
Гэта вытанчаная мадэль у рэтра-стылі, натхнёная класічнымі паляўнічымі і верхавымі жакетамі, але з сучаснай інтэрпрэтацыяй крою. Спалучэнне карычнева-бэжавай дробнай клеткі з чырвона-аранжавымі акцэнтамі надае строю выразны вінтажны настрой. Адкладны каўнер з вострымі лацканамі падкрэслівае элегантнасць і стрыманую класіку вобразу.
Невядома, ці ацанілі такую вытанчанасць у лукашэнкаўскіх кабінетах, а вось Меган Маркл, Гвінэт Пэлтроў і Рыз Уізерспун дакладна б зрабілі Наталлі камплімент, бо таксама любяць Veronica Beard.
Цяпер на афіцыйным сайце прэміяльнага брэнду мадэль Aire Dickey Jacket цалкам раскуплена. Але ж першапачаткова такі пінжак каштаваў амаль 700 даляраў.
Цяпер на іншых сайтах пінжак, як у Пяткевіч, можна набыць з вялікай зніжкай — усяго за 273 даляры.
Але, канечне, гэта далёка не адзіная дарагая рэч у гардэробе Наталлі Пяткевіч. Напрыклад, падчас яе нядаўняй паездкі ў Смалявічы, шыю чыноўніцы ўпрыгожвала шаўковая хустка ад Hermès — мадэль Jeu de Cartes (у перакладзе з французскай — «гульня ў карты»).
Дызайн быў створаны мастачкай Ан-Мары Касандрэ і ўпершыню прадстаўлены ў калекцыі Hermès у 2018 годзе. Дарэчы, гэты люксавы брэнд славіцца сваімі дызайнамі — кожны сезон выпускаюцца новыя аўтарскія прынты. Праз гэта шмат якія іх шыйныя хусткі становяцца калекцыйнымі.
Заплаціла Наталля за хустку прыкладна 500-550 даляраў.
Прапагандысты азадачыліся: як упэўніць народ, што мех бульбы — гэта крута, а Мальдывы — не
Дзе тусіць лукашэнкаўская моладзь? П’е ў «Лебядзіным», адпачывае ў Парыжы і Мілане
Пакуль Лукашэнка скардзіцца на беларусаў за любоў да Versace, прапагандыстка пахвалілася іх парфумай
Лукашэнка: Беларусы рвуцца па Gucci, Versace і іншую гадасць
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца4
Каментары