У Паўночнай Карэі працягваецца расследаванне няўдалага спуску на ваду новага эсмінца, які адбыўся 21 траўня на суднабудаўнічым заводзе. Паводле паведамленняў Цэнтральнага тэлеграфнага агенцтва Карэі, 24 траўня следчая група дала справаздачу Цэнтральнай ваеннай камісіі аб ходзе правядзення праверак — затрымалі трох чалавек.
Інцыдэнт адбыўся падчас афіцыйнай цырымоніі, на якой прысутнічаў кіраўнік КНДР Кім Чэн Ын. Карабель страціў раўнавагу падчас спуску на ваду, у выніку чаго быў пашкоджаны корпус і днішча. Кім Чэн Ын назваў гэта «злачынствам, выкліканым неасцярожнасцю, безадказнасцю і ненавуковым эмпірызмам».
Паводле афіцыйных звестак, новых пашкоджанняў судна пасля інцыдэнту не выяўлена, і брыгада рамонту працягвае аднаўленчыя работы згодна з графікам.
Пры гэтым юрыдычныя органы распачалі следчыя дзеянні, і ўжо затрыманыя тры службовыя асобы суднабудаўнічага завода: галоўны інжынер завода Кан Чжон Чхоль, кіраўнік цэха зборкі корпуса Хан Ген Хак, намеснік дырэктара па адміністрацыі Кім Ён Хак.
Яны падазраюцца ў службовай нядбайнасці, якая магла прывесці да аварыі.
Цяпер чытаюць
Лосік расказаў, як Бабарыку катавалі ў наваполацкай калоніі15
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары