У дроне, што прыляцеў ва Украіну, знайшлі запіску з намёкам на змену тактыкі удараў
Яе мог пакінуць расійскі інжынер, які спачувае ўкраінцам.
Украінскія інжынеры заявілі, што знайшлі запіску ў расійскім дроне, які атакаваў краіну — у ёй гаварылася пра новую схему кіравання беспілотнікамі. Пра гэта піша The Economist.
У запісцы быў намёк на тое, што расійскія беспілотнікі цяпер кантралююцца з дапамогай тэлеграм-ботаў. Гэтыя боты ў рэжыме рэальнага часу адпраўляюць аператарам даныя аб палёце і відэасігнал.
The Economist піша, што запіску, меркавана, пакінуў «спачуваючы Украіне расійскі інжынер».
Украінскія інжынеры таксама адзначаюць, што апошнія мадэлі беспілотнікаў Shahed, якія выкарыстоўвае Расія, больш «не баяцца» сістэм радыёэлектроннай барацьбы (РЭБ). Гэтыя дроны цяпер кіруюцца штучным інтэлектам і, у тым ліку, выкарыстоўваюць украінскую мабільную сетку.
Цяпер чытаюць
Былы беларускі ваяр суткі катаваў свайго сябра, а пасля забіў сябе18
Каментары
Хаця ёсць і пытанне, чаму ён перадаў інфармацыю такім незвычайным спосабам. Мог бы паслаць праз інтэрнэт. Або так было больш пераканаўча?
Дарэчы, пра кіраванне дронамі праз украінскія мабільныя сеткі і тэлеграм. Мабільныя аператары таксама маглі б прымяняць штучны інтэлект: распазнаваць такіх абанентаў, якія рухаюцца па спецыфічных траекторыях, адрозніваць іх ад сваіх абанентаў (у аўтамабілях, або свае дроны) і адключаць ад мабільных сетак. Дадаткова перадаваць прыкладныя каардынаты ў СПА.